సునీల్ అంత పిసినారా?

అనిల్ రావిపూడి దర్శకత్వంలో వెంకటేష్ - వరుణ్ తేజ్ కాంబోలో తెరకెక్కుతున్న ఎఫ్ 3 రెస్యూమ్ షూట్ ఈమధ్యనే మొదలైంది. ఎఫ్ 2 కి సీక్వెల్ గా ఎఫ్ 3 రాబోతుంది. నవ్వులు పంచడానికి మేము రెడీ అంటూ రంగంలోకి దిగింది ఎఫ్ 3 టీం. ఇక ఎఫ్ 2 మొత్తం భార్యలతో వేగలేక వాళ్ళ నుండి దూరంగా పారిపోయి, ఎంజాయ్ చేసాక.. మళ్ళీ భార్య ల కోసం భర్తలు పడే తంటాలు అనిల్ రావిపూడి కామెడిగా చూపించాడు. ఇక దానికి సీక్వెల్ ఎఫ్ 3 మొత్తం డబ్బు చుట్టూనే తిరగబోతున్నట్టుగా ఫస్ట్ లుక్ లోనే హింట్ ఇచ్చేసారు. 

ఇక ఈ సినిమాలో కమెడియన్ సునీల్ ఓ కీ రోల్ లో కనిపించబోతున్నాడు. సునీల్ రోల్ మరీ పిసినారి పాత్రగా డిజైన్ చేసినట్లుగా తెలుస్తుంది. అహనా పెళ్ళంట సినిమాలో కోట శ్రీనివాసరావు వేసిన అతి పిసినారి పాత్రని ఎఫ్ 3 లో సునీల్ తో చేయిస్తున్నారట. సునీల్ పిసినారి పాత్రే ఎఫ్ 3కి హైలెట్ గా చెబుతున్నారు. ఈ సినిమాలో నవ్వుల రాజు అలీ కూడా నటిస్తున్నాడు. మరి కోట శ్రీనివాసరావు అహనా పెళ్ళంట పాత్ర ఇప్పటికే కాదు.. ఎప్పటికి హైలెట్టే. అలాంటి పవర్ ఫుల్ పిసినారి పాత్రలో సునీల్ ఎలా మెప్పిస్తాడా చూడాలి.