అల్లు అర్జున్ - మంచు మనోజ్ - అనుష్క కీలక పాత్రల్లో దర్శకుడు క్రిష్ తెరకెక్కించిన వేదం సినిమాలో.. మనవడిని తాకట్టు నుండి విడిపించుకోవడానికి.. కోడలు కిడ్నీ అమ్మి డబ్బు తీసుకుంటే.. అది కాస్తా దొంగలు కొట్టేయడంతో ఆ ముసలి ప్రాణం పడే వేదన అంతా ఇంతా కాదు.. ఆ పాత్రలో నటుడు నాగయ్య అదరగొట్టేసాడు. వ్యవసాయం సరిగ్గా పండక హైదరాబాద్ కి వలస వచ్చిన నాగయ్యని చూసి క్రిష్ తన వేదం సినిమాలో అద్భుతమైన రోల్ ఇవ్వడంతో అప్పటినుండి నాగయ్య అనేక సినిమాలో మెప్పించారు. ఎన్ని సినిమాలలో నటించినా ఆయన పేరు వేదం నాగయ్యగానే స్థిరపడిపోయింది.
రీసెంట్‌గా నాగయ్య భార్య అనారోగ్యంతో కన్నుముయ్యడం, సినిమాల్లో అవకాశాలు లేకపోవడంతో పూట గడవడమే కష్టంగా మారిన నాగయ్యకి కేసీఆర్, మా అసోసియేషన్ కూడా అండగా నిలిచారు. అయితే భార్య మరణం తర్వాత మానసికంగా కుంగిపోయిన నాగయ్య అనారోగ్యంతో ఈ రోజు తెల్లవారి ఝామున తుదిశ్వాస విడిచారు. నాగయ్య మృతికి సినీ ఇండస్ట్రీలోని ప్రముఖులు సంతాపం వ్యక్తం చేసారు.
పోస్ట్ పోన్ అయిన గోపీచంద్ మూవీ 
Loading..