రాజమౌళిని వదలని బోని కపూర్

టాలీవుడ్ నుండి ఇన్ని రిలీజ్ డేట్స్ వచ్చినా.. ఏ ఒక్కటి ఇంత పెద్ద వివాదం అవ్వలేదు. కనీ రాజమౌళి దర్శకత్వంలో తెరకెక్కుతున్న పాన్ ఇండియా ఫిలిం RRR సినిమా రిలీజ్ డేట్ మాత్రం బాలీవుడ్ లో ప్రకంపనలు సృష్టిస్తుంది. RRR రిలీజ్ డేట్ ఇవ్వగానే బాలీవుడ్ నిర్మాత బోని కపూర్ చిందులు తొక్కడం మొదలు పెట్టారు. తాను నిర్మిస్తున్న మైదాన్ సినిమా దసరా బరిలో నిలుపుతున్నట్టుగా ఆరు నెలల క్రితమే ప్రకటిస్తే.. ఇప్పుడు రాజమౌళి ఎలా అక్టోబర్ 13 న RRR రిలీజ్ చేస్తాడట.. రాజమౌళికి నైతికత ఉందా అంటూ సంచలనంగా మాట్లాడిన బోని కపూర్ ఇప్పుడు రాజమౌళితో తనకున్న పాత శత్రుత్వాన్ని బయటికి తీసాడు.

అది రాజమౌళి గతంలో బాహుబలి టైం లో శివగామి పాత్ర కోసం శ్రీదేవిని సంప్రదించగా.. ఆమె భారీ పారితోషకం అడగడమే కాకూండా ఆమె తో వచ్చేవాళ్ళకి, ఆమె ఫ్యామిలీకి బిజినెస్ క్లాస్ టికెట్స్ అడగడం అలాగే ఓ కాస్ట్లీ హోటల్లో  ఒక ఫ్లోర్ మొత్తం తమ కి తమ ఫ్యామిలీకి కేటాయించాలంటూ.. శ్రీదేవి కోరడంతో రాజమౌళి ఆమె అడిగిన వాటికి దిమ్మతిరిగి శ్రీదేవి ప్లేస్ లో రమ్యకృష్ణని శివగామి పాత్రకి తీసుకుని అప్పట్లో శ్రీదేవి డిమాండ్స్ ని ఓ ఇంటర్వ్యూలో చెప్పడం పెద్ద సెన్సేషనల్ అయ్యింది. తరవాత శ్రీదేవి అలా మేము అడగలేదు.. కానీ రాజమౌళి అలా ఎందుకు చెప్పారో అంటూ వివరణ ఇచ్చింది.

అయితే ఇప్పుడు అదే విషయాన్నీ బోని మరోసారి తవ్వుతున్నాడు. అప్పట్లో రాజమౌళి శ్రీదేవిని అన్ ప్రొఫెషనల్ అంటూ మాట్లాడి అవమానించాడు. కానీ నిజానికి రాజమౌళినే అన్ ప్రొఫెషనల్. రాజమౌళి వచ్చి బాహుబలి కథ చెబితే శ్రీదేవి చెయ్యను అంది. కనీ రాజమౌళి మగధీర, ఈగ సినిమాలను చూపించగా శ్రీదేవి బాహుబలి పాత్రకి సుముఖం వ్యక్తం చేసింది. నేను ఒప్పించాను. కానీ అప్పుడు రాజమౌళి మాటలు చాలా ఆవేదన కలిగించాయి. ఇప్పుడు కూడా రాజమౌళి రిలీజ్ డేట్స్ విషయంలో కావాలనే చేస్తున్నారు అంటూ మండిపడుతున్నాడు బోని కపూర్. మరి ఈ వివాదం అయితే ఇప్పట్లొ ముగిసేలా లేదు.