అక్కినేని సమంత ఛాలెంజ్‌ను స్వీకరించిన హీరోయిన్ రష్మిక మందన్నా
రాజ్యసభ సభ్యులు జోగినిపల్లి సంతోష్ కుమార్ ప్రారంభించిన గ్రీన్ ఇండియా ఛాలెంజ్ మహా ఉధృతంగా కొనసాగుతోంది. ఈ ఛాలెంజ్‌లో భాగంగా నటీనటులు, ప్రముఖులు పెద్ద ఎత్తున మొక్కలు నాటి తమ అభిప్రాయాలను సామాజిక మాధ్యమాలలో తెలియజేస్తున్నారు. ప్రముఖ హీరోయిన్ అక్కినేని సమంత ఇచ్చిన ఛాలెంజ్ స్వీకరించి తన ఇంటి ఆవరణలో మొక్కలు నాటిన హీరోయిన్ రష్మిక మందన్నా ఈ విషయాన్ని తన ఇన్‌స్టాగ్రామ్ ఖాతాలో తెలియజేయడం జరిగింది.
ఈ ఛాలెంజ్‌లోకి నన్ను ఆహ్వానించిన సమంతకు కృతజ్ఞతలు అని తెలిపిన రష్మిక.. ఈ సందర్భంగా తన అభిమానులను అదేవిధంగా యువతీ యువకులను పెద్ద ఎత్తున మొక్కలు నాటి ఈ యొక్క గ్రీన్ ఇండియా ఛాలెంజ్‌ను ఇదేవిధంగా కొనసాగించాలని పిలుపునిచ్చారు. హీరోయిన్లు అయిన రాశి ఖన్నా, కళ్యాణి ప్రియదర్శన్‌లను ఈ ఛాలెంజ్ స్వీకరించి మొక్కలు నాటాలని ఆమె పిలుపునిచ్చారు.
చిరుతో ఈషారెబ్బా.. మాస్క్ పెట్టుకో అబ్బా..!
Loading..