వరుస ఫ్లాపుల తర్వాత చిత్రలహరి సినిమాతో విజయం అందుకుని, ఆ తర్వాత ప్రతీరోజూ పండగే చిత్రంతో బ్లాక్ బస్టర్ కొట్టిన సాయి ధరమ్ తేజ్, ప్రస్తుతం సోలో బ్రతుకే సో బెటరు అనే చిత్రాన్ని చేస్తున్నాడు. సుబ్బు దర్శకత్వంలో చేస్తున్న ఈ సినిమా నుండి విడుదలైన నో పెళ్ళి అనే పాటకి మంచి రెస్పాన్స్ వచ్చింది. అయితే ఈ సినిమా తర్వాత సాయి ధరమ్ తేజ్ దేవకట్టా దర్శకత్వంలో సినిమా చేయబోతున్నాడు.
వెన్నెల, ప్రస్థానం, ఆటో నగర్ సూర్య వంటి చిత్రాల దర్శకుడు దేవకట్టాతో సినిమా చేస్తున్న సాయి ధరమ్ తేజ్, ఈ సినిమాలో ఇంట్రెస్టింగ్ పాత్రలో కనిపిస్తున్నాడట. కెరీర్లో ఇప్పటి వరకూ చేయని సీరియస్ రోల్ లో నటిస్తున్నాడని అంటున్నారు. కరోనా తగ్గాక షూటింగ్ కి స్టార్ట్ కానున్న ఈ సినిమాలో సాయి ధరమ్ తేజ్ ఐఏఎస్ ఆఫీసరుగా కనిపించనున్నాడట. అంతే కాదు కథా ప్రకారం ఈ సినిమా పూర్తిగా ఉత్తర భారతదేశంలో జరుగుతుందట.
అయితే ఐఏఎస్ పాత్ర కోసం ఆ పాత్రకి తగ్గట్లుగా బాడీని మెయిన్ టైన్ చేస్తున్నాడట. అంతే కాదు ఐఏఎస్ ల ఇంటర్వ్యూలు చూస్తూ వారి బాడీ లాంగ్వేజీని అర్థం చేసుకుంటున్నాడని టాక్. ఐఏఎస్ ఆఫీసర్ అంటే, ఈ సినిమా ఏదో సమాజానికి సందేశాన్నిచ్చేదే అయ్యుంటుందని అంచనా వేస్తున్నారు. మరి దేవకట్టా ఈ సినిమాలో ఏ ఇష్యూని టచ్ చేస్తాడో చూడాలి.
ఆహా కోసం వేణు ఊడుగుల వెబ్ సిరీస్ ..?
Loading..