పూర్తివినోదాత్మ‌కంగా రూపొందిన ఆదిత్య క్రియేషన్స్ వారి ‘గుండ‌మ్మ క‌థ’ ట్రైల‌ర్ విడుదల
ఆదిత్య క్రియేషన్స్ ప‌తాకంపై లక్ష్మీ శ్రీవాత్స‌వ స్వీయ నిర్మాణంలో కృష్ణంరాజు ద‌ర్శ‌కునిగా తెర‌కెక్కిన సినిమా ‘గుండ‌మ్మ క‌థ’. ఈ చిత్రంతో ఆదిత్య, ప్ర‌ణ‌వ్య హీరోహీరోయిన్లుగా చేస్తున్నారు. అన్నివర్గాల ప్రేక్ష‌కుల్ని ఆక‌ట్టుకునే విధంగా హోల్స‌మ్ ఫ్యామిలీ ఎంట‌ర్ టైన‌ర్ గా రూపొందిన ఈ చిత్రానికి నిర్మాతగా లక్ష్మీ శ్రీవాత్స‌వ ఓ వైపున నిర్మాణ కార్య‌క్ర‌మాలు నిర్వ‌హిస్తూనే మ‌రోవైపున స్క్రీన్ ప్లే, డైలాగ్స్ అందించ‌డం విశేషం. అంతేకాకుండా కృష్ణంరాజుతో క‌లిసి ద‌ర్శ‌క‌త్వ భాద్య‌త‌లు కూడా నిర్వ‌హించారు. అలనాటి గుండ‌మ్మ క‌థ ఏ రేంజ్ లో ప్రేక్ష‌కుల్ని ఎంట‌ర్ టైన్ చేసిందో అంతే స్థాయిలో ఈత‌రం ఆడియెన్స్ కి క‌నెక్ట్ అయ్యే రీతిన ల‌వ్, కామెడీ, సెంటిమెంట్ త‌దిత‌ర అంశాల‌తో కూడా స‌న్నివేశాలు తెర‌కెక్కించ‌న‌ట్లుగా చిత్ర బృందం తెలిపింది. గ‌తంలో విడుదల చేసిన ఈ సినిమా టైటిల్ లుక్ పోస్ట‌ర్‌కి సోష‌ల్ మీడియాలో ఆద‌ర‌ణ ల‌భించ‌డంతో అదే ఉత్స‌ాహంతో తాజాగా గుండ‌మ్మ క‌థ ట్రైల‌ర్ ని విడుదల చేశారు. అలానే కరోనా నేప‌థ్యంలో థియేట‌ర్స్ లాక్ డౌన్ ముగిసిన వెంట‌నే ఈ చిత్రాన్ని విడుదల చేసేందుకు నిర్మాత‌లు స‌న్నాహాలు చేస్తున్నారు.
ఈ సంద‌ర్భంగా నిర్మాత, ద‌ర్శ‌కులు లక్ష్మీ శ్రీవాత్స‌వ, కృష్ణంరాజులు మాట్లాడుతూ.. అలనాటి గుండ‌మ్మ క‌థ త‌ర‌త‌రాలు తెలుగు సినీ ప్రేక్ష‌కుల్ని ఏ రీతిన అల‌రిస్తుందో అదే స్ఫూర్తితో అన్ని వ‌ర్గాల తెలుగు ప్రేక్ష‌కుల్ని ఆక‌ట్టుకునే విధంగా ఈ మోడ్ర‌న్ గుండ‌మ్మ క‌థ‌ని రెడీ చేశాము. ఈ సినిమాలో ఆదిత్య హీరోగా, ప్ర‌ణ‌వ్య హీరోయిన్ గా చేస్తున్నారు. ఈ సినిమాలో జ‌బ‌ర్థ‌స్త్ ఫేమ్ గెటప్ శ్రీను కామెడీ ప్రేక్ష‌కుల్ని క‌డుపుబ్బా న‌వ్విస్తోంద‌ని, ఫ్యామిలీతో హాయిగా చూసే సినిమాగా గుండ‌మ్మ క‌థ ఉండ‌బోతుంది అని అన్నారు. కరోనా కార‌ణంగా ఏర్ప‌డిన థియేట‌ర్స్ లాక్ డౌన్ ముగిసిన వెంట‌నే ఈ చిత్రాన్ని విడుదల చేసేందుకు ప్లాన్ చేస్తున్న‌ట్లుగా లక్ష్మీ శ్రీవాత్స‌వ తెలిపారు.
న‌టీ న‌టులు - ఆదిత్య, ప్ర‌ణ‌వ్య, గెటప్ శ్రీను, భాష త‌దిత‌రులు
టెక్నీషియ‌న్లు
కెమెరా - మోనీష్ భూప‌తి
ఎడిట‌ర్ - ప్ర‌వీణ్ పూడి
మ్యూజిక్ - స‌తీష్ సాధ‌న్‌
క‌థ, డైలాగ్స్, స్క్రీన్‌ప్లే - లక్ష్మీ శ్రీవాత్స‌వ
నిర్మాత - లక్ష్మీ శ్రీవాత్స‌వ
ద‌ర్శ‌క‌త్వం - లక్ష్మీ శ్రీవాత్స‌వ, కృష్ణం రాజు
బ్యాన‌ర్ - ఆదిత్య మూవీస్
త్వరలోనే నయనతార పెళ్ళి... కారణం ఇదే..?
Loading..