‘ఆర్ఎక్స్ 100’ లాంటి బుల్లెట్ సినిమాను గురి తప్పకుండా షూట్ చేసి.. టాలీవుడ్‌లో సింగిల్ సినిమాతో తన సత్తా చాటి చూపించిన దర్శకుడు అజయ్ భూపతి. ఫస్ట్ సినిమాతో రికార్డ్ సృష్టించిన అజయ్.. తర్వాత ఎవరితో సినిమా చేయబోతున్నారు..? ఏ బ్యానర్‌లో సినిమా చేయబోతున్నారు..? అసలు ఆయన సినిమాలో హీరో ఎవరు..? హీరోయిన్ ఎవరు..? ఈ సినిమాకు ఎవరు నిర్మాతగా వ్యవహరిస్తున్నారు..? అనేవి గత కొన్ని రోజులుగా వస్తున్న మిలియన్ డాలర్ల ప్రశ్నలు. అయితే అత్యుత్సాహంతో కొన్ని వెబ్‌సైట్లు ఏవేవో రాసేస్తున్నాయి.
మొన్నటి వరకూ కన్ఫూజన్
మాస్ మహారాజ్ రిజెక్ట్ చేయడం.. ఆ తర్వాత నాగ చైతన్య కోసం వెయిటింగ్.. శర్వానంద్ ఇలా చాలా మంది దగ్గరికెళ్లి కథ వినిపించడం వెనక్కి తిరగడమే సరిపోయింది. అప్పట్లో ఇలా వరుస కథనాలు రావడంతో స్పందించి అవన్నీ పుకార్లేనని చెప్పిన అజయ్.. ఆ తర్వాత మిన్నకుండిపోయాడు. శర్వానందే ఫైనల్ అనుకున్నప్పటికీ ఈ మధ్య ఆయన సినిమాలన్నీ ఆశించినంతగా ఆడకపోవడంతో ఇలాంటి తరుణంలో ప్రయోగాలు చేసి ప్రయోజనం లేదని.. సారీ అజయ్ అని సింపుల్‌గా చెప్పేశాడని వార్తలు వినిపించాయి. అయితే అవన్నీ పుకార్లేనట.
సందేహాలు అక్కర్లేదు..
శర్వానే హీరోగా సినిమా పక్కాగా వస్తుందట. అంతేకాదు.. ఈ సినిమాను అనిల్ సుంకర నిర్మిస్తాడని ఫుల్ క్లారిటీ వచ్చేసిందట. కరోనా ప్రభావం తగ్గి మళ్లీ సినీ కార్యకలాపాలు మొదలవ్వగానే ఈ సినిమాను పట్టాలెక్కిస్తారని తెలుస్తోంది. ఇక ఈ సినిమాపై ఎలాంటి సందేహాలు అక్కర్లేదని కచ్చితంగా సినిమా చేద్దామని అజయ్‌కు శర్వా, అనిల్ సుంకర క్లారిటీగా చెప్పేశారట. అన్నీ అనుకున్నట్లు జరిగితే.. కరోనా వ్యవహారం ముగిసేలోపే అధికారిక ప్రకటన కూడా చేయాలని నిర్మాత భావిస్తున్నారట. మరి ఈ సినిమా ఎంతవరకూ సక్సెస్ అవుతుందో.. జస్ట్ వెయిట్ అండ్ సీ.
అమెరికాలో నేను సేఫ్‌గా ఉన్నా: రానా హీరోయిన్
Loading..