బాహుబలి తర్వాత ఆ రేంజ్ లో కాకపోయినా మంచి గట్టి ఇంపాక్ట్ చూపించిన చిత్రం కేజీఎఫ్. అసలేమాత్రం బజ్ లేకుండా వచ్చి బాక్సాఫీసు వద్ద వసూళ్ళ వర్షం కురిపించింది ఈ చిత్రం. అప్పటి నుండి కేజీఎఫ్ లో నటించిన హీరో యశ్ కి ఒక్కసారిగా ఫాలోయింగ్ పెరిగిపోయింది. దర్శకుడు ప్రశాంత్ నీల్ కి ఆఫర్లు వరుస కట్టాయి. అయితే బాహుబలి మాదిరిగానే కేజీఎఫ్ సెకండ్ పార్ట్ మరికొద్ది రోజుల్లో ప్రేక్షకుల ముందుకు రానుంది.
కేజీఎఫ్ 2 విడుదల తేదీని ఇంతవరకు ప్రకటించలేదు. దాంతో ఈ చిత్రం ఆర్ ఆర్ తో పోటీపడబోతుందని వార్తలు వస్తున్నాయి. రాజమౌళి తెరకెక్కిస్తున్న ఆర్ ఆర్ ఆర్ వచ్చే సంవత్సరం సంక్రాంతి కానుకగా జనవరి 8 వ తేదీన విడుదల అవుతుంది. దానికి పోటీగా కేజీఎఫ్ 2 ని కూడా సంక్రాంతి కానుకగా విడుదల చేయాలని భావిస్తున్నట్లు అంటున్నారు. అయితే ఈ వార్తల్లో ఎలాంటి నిజం లేదని దానికి గల కారణాలని కూడా వివరిస్తున్నారు.
ఈ రెండు చిత్రాలు కూడా దక్షిణాది నుండి తెరకెక్కుతున్నవే. అదేగాక కేజీఎఫ్ సినిమా వచ్చి సంవత్సరం దాటిపోయింది. ఇంకా మరో సంవత్సరం వెయిట్ చేయడమంటే సరైన ఆలోచన కాదని అంటున్నారు. మరో ముఖ్య విషయం ఏంటంటే ఈ రెండు చిత్రాలని హిందీలో రిలీజ్ చేస్తుంది ఒక్కరే కావడం వల్ల రెండూ ఒకే సమయంలో విడుదల అవడం అసాధ్యమని చెబుతున్నారు. అన్ని చెప్పినా కేజీఎఫ్ 2 ఎప్పుడు రిలీజ్ అవుతుందో మాత్రం రివీల్ చేయకపోవడం ఆశ్చర్యంగా ఉంది.
‘పసివాడి ప్రాణం’కు ప్రముఖుల సపోర్ట్
Loading..