మార్చి 3 నుంచి ‘రాం నాయక్’ షూటింగ్ మొదలు!
Ram Naayak Movie shooting starts From march 3rdరమేష్ చౌహాన్, శుభాంగి హీరోహీరోయిన్లుగా, శ్రీ తుల్జా భవానీ ఫిల్మ్ సిటీ బ్యానర్పై శ్రీమతి లక్ష్మీ చౌహాన్ నిర్మిస్తున్న చిత్రం ‘రాం నాయక్’. కపిల సుబ్బారావు దర్శకత్వంలో రూపుదిద్దుకోనున్న ఈ చిత్ర నిర్మాణ కార్యక్రమాలు తాజాగా హైదరాబాద్లో ప్రారంభమయ్యాయి.
ఈ సందర్భంగా చిత్ర కథానాయకుడు రమేష్ చౌహాన్ మాట్లాడుతూ.. ‘‘బంజారా భాషలో నిర్మింపబడుతున్న ఈ చిత్రంలో మొత్తంగా 5 పాటలు ఉంటాయి. ఈ పాటలన్నీ ప్రేక్షకుల మనసులను ఆకట్టుకునేలా ఉంటాయి. సంగీత దర్శకులు భోలేషావలి ఈ పాటలకు ప్రాణం పోశారు. దర్శకుడు కపిల సుబ్బారావు అద్భుతంగా ఈ చిత్రాన్ని తెరకెక్కించనున్నారు. తప్పకుండా అందరినీ ఆకట్టుకునే చిత్రమవుతుంది..’’ అన్నారు.
సంగీత దర్శకుడు భోలేషావలి మాట్లాడుతూ.. ‘‘గతంలో సూపర్ హిట్ అయిన బంజారా చిత్రం ‘గోర్ జీవన్’ తర్వాత అంతగా మనసు లగ్నం చేసి ఈ చిత్ర పాటలకు బాణీలను సమకూర్చాను. తప్పకుండా ఈ చిత్రం మ్యూజికల్ హిట్ అవుతుంది. నాకు మంచి పేరు తీసుకువచ్చే చిత్రమవుతుంది..’’ అని అన్నారు.
చిత్ర దర్శకుడు కపిల సుబ్బారావు మాట్లాడుతూ.. ‘‘ఈ చిత్రం షూటింగ్ కార్యక్రమాలు మార్చి 3 నుంచి ప్రారంభమవుతాయి. మిర్యాలగూడ, నాగార్జునసాగర్ పరిసర ప్రాంతాలలో మొదటి షెడ్యూల్ ప్లాన్ చేశాము. ఈ చిత్రంలో ప్రేక్షకులను ఆకట్టుకునే అంశాలతో పాటుగా చక్కని డైలాగులు, అందమైన లొకేషన్లు కూడా ప్రేక్షకులకు ఆనందం కలిగిస్తాయి..’’ అని చెప్పారు.
రమేష్ చౌహాన్, శుభాంగి హీరోహీరోయిన్లుగా నటిస్తున్న ఈ చిత్రంలో జబర్ధస్త్ అప్పారావు, షేకింగ్ శేషు, లక్కింశెట్టి నాగేశ్వరరావు, రైజింగ్ రాజు, బుల్లితెర నటీమణి శ్రావణి తదితరులు ఇతర తారాగణం.
ఈ చిత్రానికి ప్రొడక్షన్ మేనేజర్స్: శంకర్ నాయక్, కండిల వెంకన్న, సూర్య; స్ర్కీన్ప్లే-మాటలు: సాయి కౌండిన్య, కెమెరా: శ్రావణ్ కుమార్, డ్యాన్స్: అమ్మ సుధీర్, రాజు; సంగీతం: భోలేషావలి, నిర్మాత: రమేష్ చౌహాన్, దర్శకత్వం: కపిల సుబ్బారావు.
Ram Naayak Movie Latest update
ram naayak
movie
shooting
start
march 3
