ధనుష్ మాస్ మంత్రం..జగమే తంత్రం...
Dhanush New movie titled as Jagame tantramతమిళ నటుడు ధనుష్ వైవిధ్యమైన సినిమాలు చేయడంలో ఎక్స్ పర్ట్.. కానీ ఎన్ని విలక్షణమైన సినిమాలు చేసినా ధనుష్ కి పాపులారిటీ వచ్చింది మాత్రం మాస్ సినిమాలతోనే. ఏడాదికి రెండు మూడు సినిమాలు చేసే ధనుష్ ఈ సారి ఒక క్రేజీ ప్రాజెక్టుతో వస్తున్నాడు. పిజ్జా, జిగర్తాండా వంటి విభిన్న చిత్రాలని తెరకెక్కించిన దర్శకుడు కార్తీక్ సుబ్బరాజ్ దర్శకత్వంలో సినిమా చేస్తున్నాడు. ధనుష్ ౪౦ వ చిత్రంగా తెరకెక్కుతున్న ఈ చిత్రం తమిళంతో పాటు తెలుగులోనూ విడుదల కానుంది.
తమిళంలో సూపర్ స్టార్ అయినా కూడా ధనుష్ కి తెలుగులో ఉన్న మార్కెట్ చాలా తక్కువ. రఘువరన్ బీటెక్ సినిమా ఒక్కటే తెలుగులో సక్సెస్ సాధించింది. ఆ తర్వాత చాలా సినిమాలు వచ్చినప్పటికీ వాటికి పెద్దగా పేరు రాలేదు. అందువల్ల గత కొన్ని రోజులుగా ధనుష్ సినిమాలు తెలుగులో విడుదల కావడం లేదు కూడా. అయితే ఈ సారి ఆ పద్దతిని మార్చి తెలుగులోనూ వస్తున్నాడు. కార్తిక్ సుబ్బరాజు దర్శకత్వంలో తెరకెక్కుతున్న జగమే మంత్రం సినిమాని తమిళంతో పాటు తెలుగులోనూ రిలీజ్ చేస్తున్నారట.
ఈ సినిమాతో తెలుగులోనూ మార్కెట్ క్రియేట్ చేసుకోవాలని చూస్తున్నాడు. మరో ముఖ్య విషయం ఏంటంటే ఈ సినిమాలో హాలీవుడ్ నటుడు జేమ్స్ కాస్మో కూడా నటిస్తున్నాడు. తెలుగులో ఈ సినిమాని గీతా ఆర్ట్స్ 2 , యూవీ క్రియేషన్స్ కలిసి సంయుక్తంగా రిలీజే చేస్తున్నాయి.
DhanuSh new movie releasing in Telugu also
