డిఫరెంట్ లుక్లో ‘శ్రీకారం’ శర్వానంద్
Sharwanand Sreekaram Movie First Look Releasedశర్వానంద్ ‘శ్రీకారం’ ఫస్ట్ లుక్ వెల్లడి, వేసవిలో సినిమా విడుదల
యంగ్ హీరో శర్వానంద్ నటిస్తోన్న లేటెస్ట్ ఫిల్మ్ ‘శ్రీకారం’. ప్రస్తుతం హైదరాబాద్ పరిసర ప్రాంతాల్లో ఈ మూవీ చివరి దశ షూటింగ్ జరుగుతోంది. ‘గ్యాంగ్ లీడర్’ ఫేమ్ ప్రియాంకా అరుళ్ మోహన్ హీరోయిన్గా నటిస్తోన్న ఈ ఫ్యామిలీ ఎంటర్టైనర్ను కిషోర్ బి. డైరెక్ట్ చేస్తున్నారు. ఈరోజు చిత్ర బృందం ‘శ్రీకారం’ ఫస్ట్ లుక్ ను విడుదల చేసి, వేసవిలో సినిమాని రిలీజ్ చేస్తున్నట్లు ప్రకటించింది.
ఈ పోస్టరులో శర్వానంద్ ఇప్పటి వరకు కనిపించని డిఫరెంట్ లుక్లో, గళ్ల లుంగీ కట్టుకొని, భుజాన నల్లటి కండువా వేసుకొని, వరి పొలాల మధ్య నడచుకొని వెళ్తూ కనిపిస్తున్నాడు. దీన్ని బట్టి ఆయన రైతు పాత్రను పోషిస్తున్నాడని ఊహించవచ్చు. అందమైన గ్రామీణ నేపథ్యంలో ఈ సినిమా తయారవుతున్నదని ఈ పోస్టర్ తెలియజేస్తోంది. శర్వానంద్ ముఖంలో కాంతి చూస్తుంటే, అతను తన జీవితంలోని ఒక కీలక ఘట్టానికి ‘శ్రీకారం’ చుట్టాడని అనిపిస్తోంది.
ఈ చిత్రాన్ని 14 రీల్స్ ప్లస్ బ్యానర్ పై రామ్ ఆచంట, గోపి ఆచంట నిర్మిస్తున్నారు. ‘గద్దలకొండ గణేష్’ వంటి బ్లాక్ బస్టర్ మూవీ తర్వాత వాళ్లు నిర్మిస్తోన్న రెండో సినిమా ఇది. ఆ సినిమాకు అద్భుతమైన బాణీలు అందించిన మ్యూజిక్ డైరెక్టర్ మిక్కీ జె. మేయర్ ఈ మూవీకీ వినసొంపైనా బాణీలు కడుతున్నారు. సాయిమాధవ్ బుర్రా సంభాషణలు రాస్తుండగా, జె. యువరాజ్ సినిమాటోగ్రాఫరుగా పనిచేస్తున్నారు. అవినాష్ కొల్లా ఆర్ట్ డైరెక్షన్ అందిస్తున్నారు.
తారాగణం:
శర్వానంద్, ప్రియాంకా అరుళ్ మోహన్, రావు రమేష్, ఆమని, సీనియర్ నరేష్, సాయికుమార్, మురళీ శర్మ, సత్యా, సప్తగిరి.
సాంకేతిక బృందం:
డైలాగ్స్: సాయిమాధవ్ బుర్రా
మ్యూజిక్: మిక్కీ జె. మేయర్
సినిమాటోగ్రఫీ: జె. యువరాజ్
ఎడిటింగ్: మార్తాండ్ కె. వెంకటేష్
ఆర్ట్: అవినాష్ కొల్లా
ఎగ్జిక్యూటివ్ ప్రొడ్యూసర్: హరీష్ కట్టా
నిర్మాతలు: రామ్ ఆచంట, గోపి ఆచంట
దర్శకత్వం: కిషోర్ బి.
Sharwanand’s Sreekaram First Look Out, Film To Release In Summer
