కేథరిన్‌కు అరుదైన వ్యాధి.. పెళ్లికి దూరం!

‘ఇద్దరమ్మాయిలతో’, ‘పైసా’,‘సరైనోడు’,‘నేనే రాజు నేనే మంత్రి’ వంటి సినిమాలతో తెలుగునాట గుర్తింపు తెచ్చుకున్న ముద్దుగుమ్మ క్యాథరిన్‌ ట్రెసాకు ఈ మధ్య అవకాశాలు అస్సలు రావట్లేదు. దీంతో కొంతకాలంగా తమిళ చిత్రసీమకే ఈ యంగ్ ఎమ్మెల్యే పరిమితమైపోయింది. అయితే ఎన్నాళ్లకెన్నాళ్లకెన్నాళ్లకు అన్నట్లు యంగ్ హీరో విజయ్ దేవరకొండ సరసన ‘వరల్డ్ ఫేమస్ లవర్’ చిత్రంతో మళ్లీ టాలీవుడ్ సినీ ప్రియుల ముందుకొస్తోంది.

ఇక అసలు విషయానికొస్తే.. కేథరిన్ గురించి ఓ షాకింగ్ విషయం వెలుగుచూసింది.. ఈ విషయాన్ని స్వయానా ఆమె ఓ ఇంటర్వ్యూ వేదికగా పంచుకుంది. ఇది తెలుసుకున్న కేథరిన్ వీరాభిమానులు, సన్నిహితులు అవునా.. పాపం అంటున్నారు. ‘అనోస్మియా’ అనే అరుదైన వ్యాధితో ఈ ముద్దుగుమ్మ బాధపడుతోందట. అనోస్మియా అంటే ఈ వ్యాధి ఉన్న వారు ఎలాంటి వాసనలు పసిగట్టలేరు. ఈ వ్యాధి ఉన్న వారు మంచి వాసనలే కాదు.. చెడు వాసనలు కూడా గుర్తించలేరని ఒకింత భావోద్వేగంతో చెప్పుకొచ్చింది. ఒక్క మాటలో చెప్పాలంటే వాసనలు పసిగట్టే విషయంలో ఈ వ్యాధి బాధితులు జీరో అని తెలిపింది.

అయితే ఈ లోపం కారణం తాను పెళ్లికి చేసుకోకుండా ఈ తంతుగా దూరంగా ఉండాలని భావిస్తున్నట్లు షాకింగ్ విషయాన్ని తెలియజేసింది. అంతటితో ఆగని ఆమె.. సినిమాల్లో మాత్రం నటిస్తానని.. నటించడానికి ఈ లోపం అడ్డుకాదని అనుకుంటున్నానని యంగ్ ఎమ్మెల్యే తెలిపింది. అయితే.. సినీ ఇండస్ట్రీలో నటీనటుమణులకు ఇలాంటి అరుదైన వ్యాధుల భారీన పడటం మామూలే. అంత మాత్రాన కుంగిపోనక్కర్లేదు.. మనోధైర్యంతో ముందుకెళ్లాలంతేనని సినీ విశ్లేషకులు చెబుతున్నారు.