దగ్గుబాటి రానా హీరోగా.. డ్రగ్ మాఫియా నేపథ్యంలో ఓ సినిమా చేయడానికి నందినీ రెడ్డి సిద్ధమయ్యారు. వాస్తవానికి ప్రస్తుతం క్రైమ్ నేపథ్యంలో ఉన్న సినిమాలే చాలా వరకు సూపర్ డూపర్ హిట్టవుతున్నాయి. అందుకే అదే బాటలోనే తాను నడవాలని భావించిన నందిని.. ఒక కొరియన్ సినిమా రీమేక్‌కు ఫిక్సయ్యారు. ఇప్పటికే ఈ సినిమాకు సంబంధించిన అన్ని హక్కులను రానా సొంతం చేసుకున్నారట.
ఇప్పటి వరకూ అంతా ఓకే గానీ.. రానా సరసన నటించేదెవరు..? టాలీవుడ్‌లో నటించిన భామలే సరిపోతారా..? లేకుంటే బాలీవుడ్ పట్టుకురావాలా..? అనే యోచనలో పడ్డారట నందిని. ఈ క్రమంలో కాజల్ అయితే కరెక్టుగా సరిపోతుందని భావించారట. అందుకే ప్రస్తుతం ఆమెకు కథ చెప్పి.. ఒప్పించే పనిలో పడ్డారట. అయితే ఈ చిత్రాన్ని రానానే స్వయంగా నిర్మించాలని భావిస్తున్నాడట.
కాగా.. ఇప్పటికే రానా సరసన నాయికగా గతంలో కాజల్ చేసిన ‘నేనే రాజు నేనే మంత్రి’ మంచి ఫలితాన్నిచ్చిన సంగతి తెలిసిందే. ఈ సినిమాలో రానాతో కాజల్ కెమిస్ట్రీ అదిరిందనే టాక్ కూడా అప్పట్లో గట్టిగానే వచ్చింది. అందుకే కాజల్‌నే మళ్లీ ఈ సినిమాలో అనుకుంటున్నారట. మరి ఇది ఎంతవరకు వర్కవుట్ అవుతుందో..? కాజల్ గ్రీన్ సిగ్నల్ ఇస్తుందా..? లేకుంటే సింపుల్‌గా కుదరదు అని మిన్నకుండిపోతుందో వేచి చూడాల్సిందే మరి.
అల్లు రామాయణంలో ప్రభాస్.. పాత్ర ఇదేనా!?
Loading..