‘సాహో’ నుంచి మరో అప్డేట్

ఆస్ట్రియా, కురేషియా లాంటి లోకేష‌న్స్ లో యంగ్ రెబ‌ల్‌స్టార్ ప్ర‌భాస్ ‘సాహో’ సాంగ్స్ పూర్తి

బాహుబలి చిత్రం తర్వాత ప్ర‌పంచ సినిమా బాక్సాఫీస్ ఒక్క‌సారిగా యంగ్ రెబల్‌స్టార్ ప్ర‌భాస్ న‌టిస్తున్న సాహో చిత్రం వైపుకి మళ్లింది. ఇండియాలోనే అత్యంత భారీ బ‌డ్జెట్ తో హై స్టాండ‌ర్డ్స్ టెక్నాల‌జీతో తెరెకెక్కుతున్న ఈ చిత్రం ఆగ‌ష్టు 15న భార‌తదేశ స్వాతంత్ర దినోత్సవం సంద‌ర్భంగా ప్ర‌పంచ‌వ్యాప్తంగా విడుద‌ల చేసేందుకు మేకర్స్ ప్లాన్ చేస్తున్నారు. అలాంటి మోస్ట్ ఎవైటెడ్ ఫిల్మ్ సాహో అప్‌డేట్స్ గ్యాప్ లేకుండా రావ‌డంతో అభిమానులు చాలా ఆనందంగా వున్నారు. ఇటీవ‌ల విడుద‌లైన సైకో స‌య్యో అనే సాంగ్‌కి బాలీవుడ్‌, టాలీవుడ్‌, త‌మిళ‌, మ‌ళ‌యాల భాష‌ల్లో విప‌రీత‌మైన బ‌జ్ రావ‌టంతో చిత్ర యూనిట్ చాలా ఆనందంగా ఉంది. ఇక సోష‌ల్‌ మీడియాలో అయితే వ‌ర‌ల్డ్ వైడ్ గా ప్ర‌భాస్ అభిమానులు ఈ సాంగ్స్ మీద టిక్‌టాక్ లు డ‌బ్‌స్మాష్ లు చేస్తున్నారు. ఈ సాంగ్ లో యంగ్‌రెబ‌ల్‌స్టార్ ప్ర‌భాస్ చాలా స్టైలిష్ గా క‌నిపించ‌టం తెలుగు అభిమానుల్ని సంతోషంలో ముంచింది. అలాగే హీరోయిన్ శ్ర‌ధ్ధా క‌పూర్ చాలా అందంగా క‌నిపించింది. సాంగ్ లో ప్ర‌భాస్‌, శ్ర‌థ్థా లు చేసిన డాన్స్ కి చాలా మంచి రెస్పాన్స్ వ‌చ్చింది. అలాగే ఈ సాంగ్ విడుద‌ల‌ని 5 సిటీస్ లో నాలుగు భాష‌ల్లో రెబ‌ల్‌స్టార్ అభిమానుల‌కి స్పెష‌ల్ స్క్రీనింగ్ చేయ‌టంతో ఫ్యాన్స్ కి పండ‌గ‌లా అనిపించింది. అదేరోజు హీరోయిన్ శ్ర‌ధ్ధా క‌పూర్ త‌న సోష‌ల్ మీడియా ప్లాట్‌ఫామ్ లో ఈ సాంగ్ కి సంబంధించి జిఫ్ ఫైల్ పోస్ట్ చేయ‌టంతో వ‌ర‌ల్డ్ వైడ్ గా వైర‌ల్ అయ్యింది. ఈ సాంగ్ ని సెట్లో చిత్రీక‌రించారు. అలాగే ఈ సినిమాలోని రెండు సాంగ్స్ ఆస్ట్రియాలోని అంద‌మైన లోకేష‌న్స్ లో చిత్రీక‌రించారు. మ‌రో పాట‌ని కురేషియాలో చిత్రీక‌రించారు. ఈ సాంగ్ 50 మంది మిస్ కురేషియా మెడ‌ల్స్ తో షూట్ చేసారు. 

అలాగే అబుధ‌బి లోని యాక్ష‌న్ స‌న్నివేశాలు ప్రేక్ష‌కుల్ని ఆశ్య‌ర్యంలో ముంచెత్తుతాయి.. ఇప్ప‌టికే ఛాప్ట‌ర్‌1, ఛాప్ట‌ర్ 2, టీజ‌ర్ ల‌తో  ప్రపంచవ్యాప్తంగా ఉన్న రెబెల్ స్టార్ ప్రభాస్ అభిమానుల ఉత్కంఠని పెంచిన ఈ చిత్రాన్ని మూడు భాషల్లో భారీ బడ్జెట్ తో టాలీవుడ్ ప్రేస్టేజియ‌స్ ప్రొడ‌క్ష‌న్ హౌస్ యువి క్రియేష‌న్స్ బ్యాన‌ర్ లో వంశీ, ప్ర‌మోద్, విక్ర‌మ్ లు సంయుక్తంగా నిర్మిస్తున్నారు. ఈ చిత్రానికి జిబ్రాన్ అందించిన‌ బ్యాక్ గ్రౌండ్ స్కోర్ ప్రత్యేకంగా నిలవనుంది. ప్రతీ సీన్ ని ఎలివేట్ చేసే విధంగా వరల్డ్ క్లాస్ క్వాలిటీ రీ రికార్డింగ్ అందించనున్నారు జిబ్రాన్. ఇక ఈ సాహో చిత్రం ఇండిపెండెన్స్ డే కానుకగా అగ‌స్ట్ 15 న ప్ర‌పంచ‌వ్యాప్తంగా బిగ్గెస్ట్ ఫిల్మ్ ఆఫ్ ద ఇయ‌ర్ గా విడుద‌ల కి సిద్ధ‌మౌతోంది.