అవును మీరు వింటున్నది నిజమే.. అల్లు వారింట రెండో పెళ్లి జరిగింది. టాలీవుడ్ ప్రముఖ నిర్మాత అల్లు అరవింద్ పెద్ద కుమారుడు అల్లు బాబీకి బయటివారైన మూడో కంటికి తెలియకుండా చాలా సీక్రెట్‌గా పెళ్లి జరిగింది!. శుక్రవారం నాడు అనగా జూన్-21న కుటుంబ సభ్యులు, అత్యంత సన్నిహితుల మధ్య బాబీ.. నీలు అనే యువతిని వివాహం చేసుకున్నారు. ప్రస్తుతం ఈ పెళ్లికి సంబంధించిన ఫొటోలు నెట్టింట్లో పెద్ద ఎత్తున హల్‌చల్ చేస్తున్నాయి.
కాగా.. ఈ ఫొటోల ప్రకారం చూస్తే అల్లు శిరీష్ తప్ప వివాహ వేడుకల్లో మరెవ్వరూ ఉన్నట్లు లేరని.. అసలు ఈ పెళ్లి అల్లు అరవింద్‌కు, అల్లు అర్జున్‌కు తెలియకుండా లేదా వారికి నచ్చకపోవడంతో బాబీనే చేసుకున్నాడనే పుకార్లూ వస్తున్నాయి. అయితే ఈ పెళ్లికి సంబంధించి ఇంత వరకూ అల్లు ఫ్యామిలీ నుంచి ఎలాంటి రియాక్షన్ రాలేదు. అయితే అత్యంత సీక్రెట్‌గా ఈ వివాహం ఎందుకు జరిగిందనేది ఇప్పుడు మెగా ఫ్యాన్స్‌లో మెదులుతున్న ఏకైక ప్రశ్న.
ఇదిలా ఉంటే.. అల్లు బాబీకి ఇదివరకే మొదటి వివాహం అవ్వగా ఆ జంట కొన్ని అనివార్య కారణాల వల్ల విడిపోయినట్లుగా తెలుస్తోంది. అయితే బాబీకి అన్విత అనే కుమార్తె కూడా ఉంది. కాగా.. ఈ సీక్రెట్ పెళ్లి వ్యవహారంపై అల్లు కుటుంబ సభ్యులు రియాక్ట్ అవుతారా..? లేకుంటే మిన్నకుండిపోతారా..? అన్నది తెలియాల్సి ఉంది.
కత్రినాతో చేయలేదే అని బాధపడుతోంది!
Loading..