కాస్టింగ్ కౌచ్ మళ్లీ తెరపైకి వచ్చింది. తనతో ఓ రాత్రి గడిపితే విజయ్ దేవరకొండ సినిమాలో ఛాన్స్ ఇస్తానని ఓ దర్శకుడు అన్నాడు అని ఆరోపణలు చేసింది తమిళ నటి షమ్ము. ఆ డైరెక్టర్ విజయ్ దేవరకొండ చేస్తున్న సినిమాల లిస్ట్ లో ఉన్నాడని చెప్పింది. అయితే అతని పేరు బయట పెట్టలేదు ఆ హీరోయిన్.
ప్రస్తుతం విజయ్ భరత్ కమ్మ దర్శకత్వంలో డియర్ కామ్రేడ్ సినిమాలో నటిస్తున్నాడు. దీనితో పాటు క్రాంతి మాధవ్ డైరెక్షన్ లో ఓ సినిమా అలానే హీరో అనే టైటిల్ తో మరో సినిమా చేస్తున్నాడు. దీనిని ఆనంద్ అనే దర్శకుడు డైరెక్ట్ చేస్తున్నాడు. షమ్ము ఆరోపణల ప్రకారం చూసుకుంటే.. ప్రస్తుతం ఈ ముగ్గురిపైనే అనుమానాలు వ్యక్తం అవుతున్నాయి. ఈ ముగ్గురిలో ఎవరై ఉంటారు అని సోషల్ మీడియా లో రకరకాలుగా చర్చలు జరుగుతున్నాయి.
ఫేమ్ కోసం ఆమె విజయ్ పేరు వాడుకుంటుందని అనేవాళ్లు ఉన్నారు. అయితే ఈ మొత్తం వ్యవహారానికి ఆదిలోనే ఫుల్ స్టాప్ పెట్టేసింది ఈ హీరోయిన్. ఇటువంటివి ఇండస్ట్రీలో సహజమని, వాటిని ఎలా ఎదుర్కోవాలో తనకు తెలుసని ప్రకటించింది.
‘కల్కి’ ఆలస్యానికి అసలు కారణం ఇదేనా?
Loading..