పూర్ణ, సాక్షి చౌదరి, జయప్రద, ప్రధాన పాత్రల్లో తెరకెక్కుతోన్న చిత్రం ‘సువర్ణసుందరి’. సూపర్ నేచురల్ థ్రిల్లర్ గా దర్శకుడు సూర్య ఎమ్.ఎస్.ఎన్ తెరమీదకు తీసుకు వస్తున్నారు. చరిత్ర భవిష్యత్తుని వెంటాతోందన్న క్యాప్షన్ తో భారీ బడ్జెట్ చిత్రాలకు ఏ మాత్రం తీసిపోని రీతిలో ఓ సాంకేతికత అద్బుతంగా ఎస్.టీమ్ పిక్చర్స్ పతాకంపై ఎమ్.ఎల్. లక్ష్మీ నిర్మిస్తున్న ఈ చిత్రం సెన్సార్ కార్యక్రమాలను జరుపుకుంటోంది.
ఈ సందర్బంగా డైరెక్ట‌ర్ సూర్య మాట్లాడుతూ... సువర్ణ సుందరి విఎఫ్ఎక్స్ కోసం ఏడాది పాటు వ‌ర్క్ జ‌రిగింది. ఔట్పుట్ అద్భుతంగా వ‌చ్చింది. ప్రస్తుతం సెన్సార్ కార్యక్రమాలు జరుపుకుంటోంది. ఈ నెలలోనే గ్రాండ్ గా ఆడియోను విడుదల చేయనున్నాము. పబ్లిసిటి పరంగా కూడా విభిన్నమైన ప్లానింగ్స్ తో ప్రమోట్ చేస్తున్నాము. మే 31 న సినిమాను విడుదల చేయనున్నామన్నారు.
నిర్మాత లక్ష్మీ మాట్లాడుతూ.. సువర్ణ సుందరి చిత్రం సెన్సార్ కు సిద్దమయింది. తెలుగు ప్రేక్షకులందరికీ మాతృదినోత్సవ శుభాకాంక్షలు. ఈ నెలలోనే ఆడియోను విడుదల చేయనున్నాము. తెలుగు, కన్నడ, తమిళ్ భాషల్లో మే 31న ప్రపంచవ్యాప్తంగా విడుదల చేయటానికి సన్నాహాలు చేస్తున్నామన్నారు.
పూర్ణ, సాక్షి, జయప్రద, ఇంద్ర, రామ్ మద్దుకూరి, సాయికుమార్‌, కోటాశ్రీ‌నివాస‌రావు, ముక్త‌ర్‌ఖాన్‌, నాగినీడు, స‌త్య‌ప్ర‌కాష్‌, అవినాష్ న‌టిస్తున్న ఈ చిత్రానికి మ్యూజిక్‌డైరెక్ట‌ర్: సాయికార్తిక్‌, స్టంట్స్:రామ్‌సుంక‌ర, ఆర్ట్ డైరెక్ట‌ర్: నాగు, డి.ఓ.పి: ఎల్లుమహంతి, ఎడిట‌ర్: ప్ర‌వీణ్‌పూడి, స్టోరీ: ఎం.ఎస్.ఎన్.సూర్య, పి.ఆర్‌.ఓ. సాయిస‌తీష్‌, ప్రొడ్యూస‌ర్: ఎం.ఎల్.ల‌క్ష్మి, డైరెక్ట‌ర్: ఎం.ఎస్.ఎన్.సూర్య.
‘మహర్షి’ టాక్‌తో నిఖిల్ ధైర్యం చేస్తాడా?
Loading..