పెళ్లి విష‌యం ఎత్తితే దానికి ఇంకా టైమ్ వుంది. క‌ల‌ల రాకుమారుడు ఎదురుప‌డిన‌ప్పుడు త‌ప్ప‌కుండా పెళ్లి చేసుకుంటాను. ఇదీ మ‌న హీరోయిన్‌ల‌ని క‌దిలించిన ప్ర‌తీసారి చెప్పే స‌మాధానం. బ‌య‌టికి లేదు లేదు అంటూనే సైలెంట్‌గా ఎంగేజ్‌మెంట్‌లు, ఏకంగా పెళ్లిళ్లు చేసేసుకుంటున్నారు. అలా సైలెంట్ గా ఎంగేజ్‌మెంట్ చేసుకున్న హీరోయిన్ అనీషా ఆంబ్రోస్ అంద‌రికి షాకిచ్చింది. త‌న స‌హ‌న‌టీమ‌ణుల త‌ర‌హాలోనే ఇప్ప‌డు నాకు అలాంటి ఆలోచ‌న లేదు. పెళ్లికి ఇంకా స‌మ‌యం వుంద‌ని చెబుతూ వ‌చ్చిన అనీషా ఆంబ్రోస్ స‌డెన్‌గా ఎంగేజ్‌మెంట్ చేసేసుకుంది.
`అలియాజాస్ జాన‌కి` సినిమాతో క‌థానాయిక‌గా తెలుగులో కెరీర్ మొద‌లుపెట్టిన అనీషాకు రావాల్సి నంత గుర్తింపు రాలేదు. ప‌వ‌న్‌క‌ల్యాణ్ స‌ర‌స‌న `స‌ర్ధార్ గ‌బ్బ‌ర్‌సింగ్‌`లో న‌టింస్తే అయినా త‌న కెరీర్ మారుతుంద‌ని ఆశ‌ప‌డిన అనీషాకు ప‌వ‌న్ నిరాశ‌నే మిగిల్చాడు. అనీషాకు ఇవ్వాల‌నుకున్న అవ‌కాశాన్ని కాజ‌ల్‌కు ఇచ్చేసి షాకిచ్చాడు. ఆ త‌రువాత చేసిన `గోపాల గోపాల`, `మ‌న‌మంతా, ఉన్న‌ది ఒక‌టే జింద‌గీ, ఒక్క‌డు మిగిలాడు, `ఫ్యాష‌న్ డిజైన‌ర్‌`, ఈ న‌గ‌రానికి ఏమైంది వంటి చిత్రాల్లో న‌టించినా ఆశించినా ఫ‌లితం లేకుండా పోయింది.
దీంతో త‌న చిర‌కాల మిత్రుడిని పెళ్లాడాల‌ని నిర్ణ‌యించుకుంది. జేఎంఆర్ క‌న్‌స్ట్ర‌క్ష‌న్ లో ఈడీగా ప‌నిచేస్తున్న గుణ జ‌క్క, అనీషా చాలా కాలంగా ప్రేమించుకుంటున్నారు. వీరి ప్రేమ‌కు పెద్ద‌లు ప‌చ్చ‌జెండా ఊపేశారు. దీంతో వీరి ఎంగేజ్‌మెంట్ సైలెంట్‌గా అత్యంత స‌న్నిహితుల మ‌ధ్య జ‌రిగిన‌ట్టు తెలుస్తోంది. వ‌చ్చే నెల‌లోనే వివాహం జ‌ర‌గ‌నున్న‌ట్లు స‌మాచారం.
ఎన్టీఆర్ ‘మహానాయకుడు’ రిలీజ్ కష్టమేనా?
Loading..