ఈసారి మాయ చేసేది ఎవరో తెలుసా?
Anushka to star in Ye Maya Chesave 2'భాగమతి' చిత్రం తర్వాత స్వీటీ అనుష్క మరో చిత్రం ఒప్పుకోలేదు. ఇటీవల తెలుగులో ఓ చిత్రం చేయనుందని, అందులో నేచురల్ స్టార్ నాని కూడా ఓ ముఖ్య పాత్రను చేస్తాడని వార్తలు వచ్చాయి. అయితే దీనికి ముందే ఆమె గౌతమ్మీనన్ దర్శకత్వంలో ఓ చిత్రం చేసే అవకాశం ఉందని తెలిపింది. ఇప్పుడు ఈ ప్రాజెక్ట్ గురించి కోలీవుడ్ మీడియాలో పలు కథనాలు వస్తున్నాయి. తెలుగులో నాగచైతన్య, సమంత జంటగా 'ఏ మాయ చేశావే' చిత్రం వచ్చి ఘన విజయం సాధించింది. ఈ చిత్రం ద్వారా చైతుకు మొదటి హిట్, తెలుగు పరిశ్రమకు సమంత పరిచయం కావడం, చైతు, సమంతలు ఈ చిత్రం షూటింగ్లోనే ప్రేమలో పడి పెళ్లి చేసుకోవడం.. ఇలా ఈ సినిమాకి ఎన్నో ప్రాముఖ్యతలున్నాయి.
ఇదే చిత్రం తమిళంలో శింబు, త్రిష జంటగా 'వీన్నైతాండి వరువాయా'గా విడుదలై హిట్ కొట్టింది. ఇప్పుడు ఈ చిత్రానికి సీక్వెల్గా 'వీటీవీ 2'(వీన్నైతాండి వరువాయా సీక్వెల్) రూపొందనుంది. ఇందులో హీరోగా శింబునే నటిస్తున్నప్పటికీ.. హీరోయిన్గా మాత్రం త్రిష స్థానంలో స్వీటీ అనుష్కను పెట్టుకోనున్నారని తెలుస్తోంది. శింబు, అనుష్కలు గతంలో 'వానమ్' అనే చిత్రంలో నటించగా, ఆ చిత్రం ఘన విజయం సాధించింది. ఆ విధంగా చూసుకుంటే శింబు, అనుష్క, గౌతమ్మీనన్ల కాంబినేషన్లో వచ్చే 'వీటీవీ 2' పై ఇప్పటి నుంచే అంచనాలు పెరుగుతున్నాయి.
Anushka in sequel of Ye Maya Chesave
