సూపర్‌స్టార్‌ మహేష్‌బాబు ఫ్యామిలీ నుంచి ఇప్పటికే సుధీర్‌బాబు హీరోగా ఉన్నాడు. ఇక తాజాగా మహేష్ ఎంతగానో అభిమానించే ఆయన బావ గల్లా జయదేవ్‌ కుమారుడు గల్లా అశోక్‌ హీరోగా అరంగేట్రం చేయనున్నాడు. మొత్తానికి ఇతడిని మహేష్ దిల్‌రాజు చేతుల్లో పెట్టాడు. ఈ చిత్రం కోసం దర్శకునిగా 'ఆడు మగాడ్రా బుజ్జీ' దర్శకుడు కృష్ణారెడ్డి గంగదాసుని ఫిక్స్‌ చేశారు. గత కొంతకాలంగా కృష్ణారెడ్డి కూడా అదే పనిలో నిమగ్నమై ఉన్నాడు.
అయితే ఎందువల్ల అనేది తెలియదు గానీ ప్రస్తుతం ఈ ప్రాజెక్ట్‌ నుంచి కృష్ణారెడ్డి గంగదాస్‌ని తొలగించి, శశి అనే దర్శకునికి ఈ బాధ్యతలను అప్పటించాడట దిల్‌రాజు. దీనికి మహేష్ కూడా సుముఖత వ్యక్తం చేశాడని తెలుస్తోంది. ఇక ప్రస్తుతం మహేష్ దిల్‌రాజు-అశ్వనీదత్‌ల భాగస్వామ్యంలో వంశీపైడిపల్లి దర్శకత్వంలో ఓ చిత్రం చేస్తున్నాడు. మరోవైపు గల్లా అశోక్‌ చిత్రం సైతం దిల్‌రాజునే నిర్మిస్తుండటంతో ఘట్టమనేని అభిమానులంతా గల్లా అశోక్‌ తెరంగేట్రం కోసం వేయికళ్లతో ఎదురు చూస్తున్నారని చెప్పవచ్చు.
'సాహో'పై క్లారిటీ ఇవ్వడం లేదు!
Loading..