మంచు లక్ష్మి కోసం నాగ్ ఒప్పుకుంటాడా?

ప్రస్తుతం సినిమాలకన్నా ఎక్కువగా వెబ్ సీరీస్ హావా నడుస్తుంది అంటే అతిశయోక్తి లేదేమో అన్నట్టుగా వుంది ఇప్పుడు ఇండస్ట్రీ వాతావరణం. బాలీవుడ్ లోనే కాదు ఇప్పుడు దక్షిణాదిన కూడా ఈ వెబ్ సిరీస్ లు హల్చల్ చేస్తున్నాయి. కేవలం సినిమాలే కాదు ఈ కాలంలో వెబ్ సీరీస్ కి కూడా ఓటేస్తున్నారు స్టార్స్. మంచి కాన్సెప్ట్ ఉంటే చాలు వాటికి గంటాపదంగా ఓటేస్తున్నారు. సినిమాల్లో అవకాశాలు లేని నటీనటులు మొదలెట్టిన ఈ వెబ్ సీరీస్ కల్చర్ కి ఇప్పుడు స్టార్ హీరోలు కూడా ఓకె చెప్పేస్తున్నారు.

సినిమాల్లోనే తమ నట విశ్వరూపం చూపించడంతో పాటు ఈ వెబ్ సీరియస్ లో తమ టాలెంట్ ని ఇంకా ఎక్కువగా చూపించడానికి ఇష్టపడుతున్నారు స్టార్స్ . నిన్నటివరకు నవదీప్ - తేజస్విని వంటి వారు మాత్రమే ఈ వెబ్ సీరీస్ తో అలరిస్తే ఇప్పుడు కొత్తగా రానా వంటి వారు కూడా ఈ వెబ్ సీరీస్ లో పాలు పంచుకుంటున్నారు. మరి రానాతో పాటే.. సీనియర్ హీరో వెంకటేష్ కూడా స్మాల్ స్క్రీన్ మీద ఈ వెబ్ సీరియస్ తో అలరించనున్నాడనే న్యూస్ సోషల్ మీడియాలో హల్చల్ చేసిన సంగతి తెలిసిందే. 

అయితే ఇప్పుడు మరో సీనియర్ హీరో నాగార్జున కూడా ఈ వెబ్ సీరీస్ తో కొత్తగా కనబడబోతున్నాడట. అది కూడా మంచు లక్ష్మి ఆద్వర్యంలోని శ్రీనివాస్ అవసరాల డైరెక్షన్ లో అనే న్యూస్ బాగా వినబడుతుంది. ఇప్పటికే మంచు లక్ష్మి ఆ ప్రయత్నాల్లో ఉందంట. మరి కొత్త ప్రయోగాలకు ఎప్పుడు ముందుండే నాగ్ ఈ వెబ్ సీరీస్ లో నటిస్తాడంటే అతిశయోక్తి కాదు. ఎప్పుడూ కొత్త టాలెంట్ ని ఎంకరేజ్ చేయడంలో నాగ్ ముందుంటాడనే విషయం తెలిసిందే. మరి నిజంగానే ఈ వెబ్ సీరీస్ కి నాగ్ ఓకే చెప్పేశాడనే టాక్ మాత్రం హైలెట్ అయ్యింది.