అక్కినేని ఫ్యామిలీలో నాగచైతన్య, అఖిల్ పెళ్లి కొద్దీ రోజులు అటు ఇటుగా వుంటుంది అనుకుంటే.. అఖిల్ పెళ్లి తప్పిపోయి... నాగచైతన్య పెళ్లి మాత్రం అయిపొయింది. నాగ చైతన్య కన్నా ముందే అఖిల్ నిశ్చితార్ధం జరిగింది. కొన్ని కారణాల వలన ఆ పెళ్లి జరగలేదు. అయితే చైతు - సమంతల నిశ్చితార్ధం, పెళ్లి కూడా గ్రాండ్ గా కాకుండా సింపుల్ గా జరిగిపోయాయి. ఇక నాగార్జున కూడా కాస్త కూల్ అయ్యాడు. తాను నటించిన రాజుగారి గది2కి మిశ్రమ స్పందన రావడం, చైతు పెళ్లి ఏ ఆటంకాలు లేకుండా జరగడంతో ఇప్పుడు నాగ్.. అమలతో కలిసి రిలాక్సేషన్ కోసం విదేశాలకు వెళ్లిపోతున్నాడు. ఇక వచ్చాక రామ్ గోపాల్ వర్మతో యాక్షన్ మూవీ ప్లాన్ చేస్తున్నాడు నాగ్.
ఇక నాగచైతన్య - సమంతలు పెళ్లి అయ్యి 15 రోజులు గడుస్తున్నా వారు మాత్రం హానీమూన్ లేకుండా.. సమంత తన సినిమాల విషయంలో బిజీ కాగా... చైతు మాత్రం తన అప్ కమింగ్ మూవీ సవ్యసాచి మ్యూజిక్ సిట్టింగ్స్ లో పాల్గొంటున్నాడు. మరి ఈ జంట కూడా ఇప్పుడు మినీ హనీమూన్ ని ప్లాన్ చేసుకుంటున్నారట. అసలు తమ హనీమూన్ ని డిసెంబర్ కి వాయిదా వేసుకున్న ఈ జంట ఇప్పుడు మినీ హనీమూన్ అంటూ న్యూజిలాండ్ కి ఎగిరిపోనున్నారనే న్యూస్ స్ప్రెడ్ అయ్యింది. సమంత తమ హానీమూన్ ఇప్పుడే కాదని చెబుతున్నప్పటికీ.. ఈ యువ జంట కనీసం ఒక వారం పాటు ఎక్కడికైనా వెళ్లాలనే ఆలోచనతో న్యూజిలాండ్ చెక్కేస్తున్నట్టుగా చెబుతున్నారు.
సమంత తన సినిమాలు రంగస్థలం, మహానటి సినిమాల కాల్షీట్స్ ని అడ్జెస్ట్ చేసుకుని మరీ ఈ మినీ హనీమూన్ కి ప్రిపేర్ అవుతుందంటున్నారు. ఇక ఈ మినీ హనీమూన్ పూర్తవగానే నాగచైతన్య తన కొత్త సినిమా చందు మొండేటి దర్శకత్వంలో సవ్యసాచిని స్టార్ట్ చేసే ప్లాన్ లో ఉండగా.. సమంత కూడా తన సినిమాల షూటింగ్ ని కంప్లీట్ చేస్తుందంటున్నారు. ఇక ఈ మినీ హనీమూన్ లో ఈ జంట న్యూజిలాండ్ కి వెళ్లొచ్చాక.. అలాగే నాగ్ - అమల ల టూర్ ముగిశాక చైతు - సామ్ ల రిసెప్షన్ ఉండొచ్చనే ఊహాగానాలు ఉన్నాయి. ఇప్పటికే చైతన్య - సమంతల ఒక రిసెప్షన్, చైతు తల్లి లక్ష్మి ఆధ్వర్యంలో సింపుల్ గా జరిగింది.
మోహన్ బాబు హీరోనే కాదు విలన్ కూడా! 
Loading..