హిందీలో కామెడీ షో అంటే బుల్లితెర వీక్షకులకు వెంటనే గుర్తొచ్చే పేరు 'కపిల్‌శర్మ షో'. ఈ షో కొన్నాళ్లు ఆగిపోతుండటం నిజంగా హిందీ కామెడీ ప్రియులకు కాస్త బాధాకరమే. ఈ షోలో కపిల్‌శర్మతో కలిసి నటిస్తూ కార్యక్రమాన్ని రక్తికట్టిస్తున్న ఇతర పార్టిసిపెంట్స్‌పై ఈ మధ్య కపిల్‌శర్మ విమానంలో ఓ నటుడిని కోపం వచ్చి కొట్టడం, ఈ సంఘటన అనంతరం పలువురు ఆ షోలో పాల్గొన్నవారు కూడా కపిల్‌ శర్మ తమతో కూడా ఇలాగే వ్యవహరించాడని ఆరోపించడంతో ఇది కొద్దికాలం కిందట వివాదాస్పదమైంది.
కాగా ఈ మధ్య స్టార్‌ కమెడియన్‌ కపిల్‌శర్మ ఆరోగ్యం బాగా లేకపోవడంతో ఈ షో షూటింగ్‌ కూడా జరగడం లేదట. అకస్మాత్తుగా ఆయన అస్వస్థతకు గురవ్వడంతో ఈ షో షూటింగ్‌ని క్యాన్సిల్‌ చేశారు. ఇటీవలే ఆయన 'బాద్‌షాహో' ప్రోమో షూటింగ్‌ కూడా రద్దు కావడం గమనార్హం. దీంతో షో నిర్వాహకులు, కపిల్‌శర్మలు పరస్పర అంగీకారానికి వచ్చి బ్రేక్‌ తీసుకోవాలని నిర్ణయించారు.
అయితే ఈ షో ఎంత కాలం వాయిదా పడిందో మాత్రం తెలియరావడం లేదు. కపిల్‌శర్మ మరలా పూర్తిగా ఆరోగ్యవంతుడైన తర్వాత ఈ షో షూటింగ్‌ జరుగుతుందని సమాచారం. అప్పటివరకు హాస్యప్రియులు ఎదురు చూడక తప్పదు. ఇక ఈ విషయాన్ని సదరు చానెల్‌ అఫీషియల్‌గా ప్రకటించింది.
News Delated
Loading..