ప్రముఖ నిర్మాత సురేష్ బాబు కు చెందిన ప్రకాశం జిల్లా చీరాల పట్టణంలోని సురేష్ మహల్‌ థియేటర్ అగ్నిప్రమాదంలో దగ్ధమైంది. ఈ థియేటర్ లో గత కొంత కాలంగా మరమ్మతులు జరుగుతున్నాయి. అత్యాధునిక టెక్నాలజీతో రెండు థియేటర్లుగా మారుస్తున్నారు. అందులో ఒక థియేటర్ పూర్తి కావడంతో రానా నటించిన నేనే రాజు నేనే మంత్రి సినిమాతో థియేటర్ ని ప్రారంభించాలని ప్లాన్ చేశారు. కానీ చివరి నిమిషంలో ఈ థియేటర్ అగ్ని కి ఆహుతి అయ్యింది.
హడావుడిగా ఏసీలు బిగించే సమయంలో జరిగిన షార్ట్ సర్క్యూట్ వల్ల ఒక్కసారిగా మంటలు చెలరేగి అందరూ చూస్తుండగానే హాల్‌ మొత్తానికి మంటలు వ్యాపించి పూర్తిగా దగ్ధమైంది. అగ్నిమాపక సిబ్బంది అక్కడికి చేరుకుని మంటలను ఆర్పే ప్రయత్నం చేసినా..థియేటర్ అప్పటికే చాలావరకు దగ్ధమైంది. తేజ దర్శకత్వం లో తెరకెక్కిన నేనే రాజు నేనే మంత్రి చిత్రాన్ని సురేష్ బాబు నిర్మించారు. తన కొడుకు సినిమాతో థియేటర్ ని ప్రారంభించాలని ఎంతగానో తాపత్రయ పడ్డ సురేష్ బాబు..ఈ విషయంతో చాలా నిరాశకు గురయ్యారు.
తెలంగాణ వదిలి, ఏపీ దేవుళ్లని మొక్కుతున్నారేంటి? 
Loading..