ప్రస్తుతం కన్నడలో కన్నడ స్టార్‌ దర్శన్‌ హీరోగా నటిస్తున్న 50వ చిత్రం 'కురుక్షేత్ర'. భారీ బడ్జెట్‌తో, భారీ తారాగణంతో ఈ చిత్రం రూపొందుతోంది. కన్నడ సినీ పరిశ్రమలో ఇప్పటి వరకు ఎవ్వరూ నిర్మించనంత భారీ బడ్జెట్‌తో ఈ చిత్రం రూపొందనుండటం విశేషం.ఇప్పటికే ఈ చిత్రంలో నటించేందుకు కన్నడ స్టార్‌ రవి చంద్రన్‌ ఓకే చెప్పాడు. ఇందులో ఆయన శ్రీకృష్ణుని పాత్రను పోషించనున్నాడు.
తాజాగా మరో క్రేజీ నటి హరి ప్రియను ఈ ప్రాజెక్ట్‌లోకి తీసుకున్నారు. అయితే ఆమె ఏ పాత్రలో నటించనుంది? అనేది ఆసక్తికరంగా మారింది. ఎవ్వరూ ఊహించని రీతిలో ఆమె పాత్ర ఉంటుందని, చిత్రం చూసిన అందరూ ఆ పాత్రను చూసి షాక్‌కి గురవుతారని యూనిట్‌ చెబుతోంది. కాగా ఈనెల 30 వ తేదీన ఈ చిత్రం షూటింగ్‌ ప్రారంభం కానుంది. హరి ప్రియను తీసుకున్న విషయాన్ని యూనిట్‌ దృవీకరించింది. ఇక ఈ చిత్రం అత్యంత ప్రతిష్టాత్మకంగా రూపొందుతుండటంతో ఇందులో పలువురు ఇతర భాషల స్టార్లను నటింపజేయడానికి ప్రయత్నాలు జరుగుతున్నాయి.
కన్నడ సినీ చరిత్రలో ఎవ్వరూ ఊహించలేని విధంగా, భారీ బడ్జెట్‌తో రూపొందనున్న ఈ చిత్రంలోని తారాగణం, సాంకేతిక నిపుణుల ఎంపికలో నిర్మాతలు బిజీ బిజీగా ఉన్నారు. 'బాహుబలి' తర్వాత శాండల్‌ వుడ్‌ కూడా తానేమీ తక్కువ తినలేదని నిరూపించుకోవాలని ఈ భారీ ప్రాజక్ట్‌కి శ్రీకారం చుడుతున్నారని తెలుస్తోంది.తమిళంలో 'సంఘమిత్ర', మలయాళంలో మహాభారతం ఆధారంగా రూపొందనున్న 'రాండాముజం'లను దీనికి ఉదాహరణగా చెప్పవచ్చు.
చందమామకు అరుదైన అవకాశం..! 
Loading..