చిరు 151 కి హీరోయిన్స్ సెట్ అయినట్లే..!
చిరంజీవి ఇప్పుడు తన 151 వ ప్రాజెక్ట్ 'ఉయ్యాలవాడ నరసింహారెడ్డి' చిత్రం కోసం పూర్తిగా సిద్ధమవుతున్నాడు. ఇప్పటికే ఉయ్యాలవాడ లుక్ లో సూపర్ గా కనబడుతున్న చిరు ఈ చిత్రాన్ని ఒకేసారి నాలుగు భాషల్లో విడుదల చేసి జాతీయ స్థాయిలో ఫేమస్ అవ్వాలని ప్లాన్ చేస్తున్నాడు. తెలుగు, హిందీ, తమిళ, మలయాళ భాషల్లో రూపుదిద్దుకుంటున్న ఈ చిత్రం, స్వాతంత్ర సమరయోధుడు ఉయ్యాలవాడ నరసింహారెడ్డి జీవిత చరిత్ర ఆధారంగా చారిత్రాత్మక చిత్రంగా డైరెక్టర్ సురేందర్ రెడ్డి డైరెక్షన్ లో రామ్ చరణ్ నిర్మాణ సారధ్యంలో గ్రాండ్ గా లాంచ్ చెయ్యబోతున్నాడు. అతిత్వరలో ప్రారంభం కానున్న ఈ చిత్రానికి సంబంధించిన పూర్తి స్క్రిప్ట్ ని సిద్ధం చేశారట.
ఇక ఉయ్యాలవాడలో నటించే నటీనటుల ఎంపిక కూడా పూర్తయినట్టు వార్తలొస్తున్నాయి. ఈ 'ఉయ్యాలవాడ నరసింహారెడ్డి' చిత్రంలో చిరంజీవి ముగ్గురు భామలతో రొమాన్స్ చేయబోతున్నాడట. అందులో ఒకరు బాలీవుడ్ భామ ఐశ్వర్య రాయ్ కాగా మరో ఇద్దరు అనుష్క శెట్టి, నయనతారలు అంటున్నారు. ఇప్పటికే ఈ ముద్దుగుమ్మలతో చిత్ర యూనిట్ చర్చలు జరిపి ఫైనల్ చేసినట్టు వార్తలొస్తున్నాయి. అయితే ఈ చిత్రంలో కథకు అనుగుణంగా హీరోగారికి ఇద్దరు భార్యలు ఉంటారని... మరొక స్త్రీతో కూడా దగ్గర సంబంధాలు కలిగి ఉంటాడట. కాబట్టే ఈ చిత్రానికి ముగ్గురు హీరోయిన్స్ ని ఫైనల్ చెయ్యాల్సి వచ్చిందని అంటున్నారు.
అయితే 'ఉయ్యాలవాడ నరసింహారెడ్డి' చిత్రం లాంచింగ్ రోజునే ఈ ముగ్గురు హీరోయిన్స్ పేర్లు కూడా అనౌన్స్ చేస్తారనే టాక్ వినబడుతుంది. అలాగే చారిత్రాత్మక కథ అయినా కూడా కమర్షియల్ ఎలిమెంట్స్ కి లోటు లేకుండా డాన్స్ లు, పాటలు, ఫైట్స్ వంటి వాటికి ఈ చిత్రంలో ఫుల్ గా చోటు ఉంటుందట.
Tollywood's next magnum opus Uyyalawada Narasimhareddy's launch is eagerly awaited by movie lovers.
Chiranjeevi's 151th Film Three Heroines Confirmed?
