మేడే రోజున తమిళ దైవం, రజనీ తర్వాత అంతటి వీరాభిమానులున్న అజిత్ పుట్టినరోజు. ఓ స్టార్‌గా ఆయన ఎదిగిన తీరు ఎందరికో ఆదర్శం. ఇక ఆయనంటే ప్రాణమిచ్చే ప్రేక్షకులు, అభిమానులు ఉన్నారు. మరోపక్క శివకు మంచి మాస్‌ దర్శకునిగా పేరుంది. ఇప్పటికే అజిత్-శివల కాంబినేషన్‌లో రెండు సూపర్‌హిట్‌ చిత్రాలు వచ్చాయి. 'వీరం, వేదాళం'లతో ఈ కాంబినేషన్‌కి భలే డిమాండ్‌ ఏర్పడింది. ఈ రెండు పక్కా మాస్‌ చిత్రాలే.
ఇక వీరిద్దరు హ్యాట్రిక్‌ చిత్రం ప్రారంభించడంతో ఇది కూడా పక్కా మాస్‌ చిత్రమని అందరూ భావించారు. అదే 'వివేగం'. కాగా ఇప్పటివరకు విడుదలైన ఈ చిత్రం స్టిల్స్‌, అజిత్ సిక్స్‌ప్యాక్‌ చూస్తుంటే ఇది కాస్త వైవిధ్యమైన యాక్షన్‌ థ్రిల్లర్‌ అనిపిస్తోంది. తాజాగా అజిత్ పుట్టినరోజు సందర్భంగా ఈ చిత్రం కొత్త స్టిల్‌ విడుదలైంది. ఇందులో అజిత్ మంచులో కర్రదుంగను మోస్తున్నాడు. దీంతో ఈ చిత్రం విజువల్‌గా కూడా వండర్‌గా ఉంటుందనే అభిప్రాయం కలుగుతోంది. ఇందులో అజిత్ దేశవిదేశాలు తిరిగే ఇంటర్‌పోల్‌ ఆఫీసర్‌గా కనిపించనున్నాడు.
దానికి తగ్గట్లుగానే ఈ చిత్రాన్ని ఇప్పటికి ఏ భారతీయ చిత్రం తీయనన్ని దేశాల్లో అంటే 12కి మించిన దేశాలల్లో భారీ బడ్జెట్‌తో తెరకెక్కుతోంది. కాజల్‌ హీరోయిన్‌గా నటిస్తుండగా, అక్షరహాసన్‌ కీలకమైన పాత్రను చేస్తోంది. ఈ 'వివేగం' చిత్రం ఎన్ని సంచలనాలకు కేంద్రబిందువు కానుందో..? పవన్‌ దృష్టిని ఆకర్షిస్తుందో లేదో వేచిచూడాల్సివుంది...!
'రక్షక భటుడు' సస్పెన్స్ వీడేది అప్పుడే..!
Loading..