ఎంతో కాలంగా మన స్టార్స్‌ ఇక నుంచి ఏడాదికి రెండు చిత్రాలు చేస్తామని చెబుతూనే ఉన్నారు. అందరినీ ఊరిస్తూనే ఉన్నారు. కానీ అవ్వన్నీ నీటి మీద రాతలే. కబుర్లేనని అర్దమవుతోంది. తన 150వ చిత్రం 'ఖైదీనెంబర్‌150'తో దూకుడు చూపించి, వెంటనే సురందర్‌రెడ్డితో ఓ చిత్రం చేస్తున్నానని ప్రకటించిన చిరు ఇప్పటికీ ఆ చిత్రాన్ని పట్టాలెక్కించలేకపోయాడు. ఎన్టీఆర్‌ 'జనతాగ్యారేజ్‌' తర్వాత ఎన్నో కథలు, దర్శకులను మార్చి చివరకు 'జై లవ కుశ' అంటున్నాడు. ఇది మాత్రమే ఈ ఏడాది విడుదలవుతుంది. బన్నీ'దువ్వాడ జగన్నాథం'తోనే సరిపుచ్చుతున్నాడు. వక్కంతం వంశీ 'నా పేరు సూర్య.. నా ఇల్లు ఇండియా' ఈ ఏడాది వచ్చే పరిస్థితి లేదు.
ప్రభాస్‌ 'బాహుబలి2'కే ఓకే. 'సాహో' వచ్చే ఏడాదే. మహేష్ 'బ్రహ్మోత్సవం' తర్వాత 'స్పైడర్‌' చేస్తూ 100 డేస్‌ టు గో.. 90డేస్‌ టు గో.. అంటూ సైడైపోయాడు. ఇక ఈ ఏడాది 'స్పైడర్‌' తప్ప మరో చిత్రం వచ్చే సీన్‌ లేదు. పవన్‌ మాత్రం ఆల్‌రెడీ 'కాటమరాయుడు'తో వచ్చాడు. త్రివిక్రమ్‌ సినిమా కూడా ఈ ఏడాదే రిలీజ్‌ కావడం ఖాయం. ఇక తన 100వ చిత్రం 'గౌతమీపుత్రశాతకర్ణి'తో వచ్చిన బాలయ్య పూరీ చిత్రాన్ని కూడా దసరాకు తెస్తున్నాడు. ఇలా ఉంది మన స్టార్స్‌ పరిస్థితి....!
నారా లోకేష్‌ బాబూ.. ఇది చేస్తే బెటర్..!
Loading..