స్టార్‌ హీరో సూర్య పవర్‌ఫుల్‌ పోలీసాఫీసర్‌ పాత్రలో హరి దర్శకత్వంలో తెరకెక్కుతోన్న చిత్రం 'ఎస్‌3'. కాగా స్టూడియో గ్రీన్‌ పతాకంపై కె.ఇ.జ్ఞానవేల్‌రాజా నిర్మాణంలో ఈ చిత్రం భారీగా తెరకెక్కింది. ఈ చిత్రం షూటింగ్‌ పూర్తయినా పలు కారణాల వల్ల ఈ చిత్రం జనవరి 26కు వాయిదాపడింది. ప్రస్తుతం ఈ చిత్రంపై వివాదాలు చుట్టుముడుతున్నాయి. 'సింగం' సిరీస్‌పై ఉన్న నమ్మకంతో ఈ చిత్రం తెలుగు వెర్షన్‌ను సురక్ష్‌ ఎంటర్‌టైన్‌మెంట్స్‌ అధినేత మల్కాపురం శివకుమార్‌ 18కోట్ల భారీ మొత్తానికి హక్కులు పొందాడని సమాచారం.
ఈ చిత్రం పలుమార్లు వాయిదాలు పడుతుండటంతో ఆయన కోపగించుకున్నాడట. జనవరి 26న ఈ చిత్రాన్ని తెలుగులో భారీ ఎత్తున రిలీజ్‌ చేయడం కష్టమని, ఇప్పటికే ఈ చిత్రం పలుసార్లు వాయిదాలు పడటంతో తాను బాగా నష్టపోతున్నానని, కాబట్టి ఈ చిత్రం హక్కుల కోసం తాను ఈ చిత్ర నిర్మాత జ్ఞానవేల్‌రాజాకు ఇచ్చిన అడ్వాన్స్‌ను తిరిగి తనకు ఇచ్చేయాలి అని ఒత్తిడి చేస్తున్నాడట.
మరోపక్క ఈ చిత్రం ఈనెల 23నే విడుదల అవుతుందని భావించిన ఈ చిత్ర నిర్మాతలు తమిళనాడులో ఆల్‌రెడీ ప్రీ రిలీజ్‌ బుకింగ్స్‌ను ప్రారంభించడం విశేషం. ఈ చిత్రంపై ఓ వ్యక్తి చెన్నై హౖెెకోర్టులో ఈ చిత్ర నిర్మాతలపై, బయ్యర్లపై, థియేటర్ల యాజమాన్యాలపై ఓ పిటిషన్‌ ఫైల్‌ చేశాడు. చెన్నైకి చెందిన దేవరాజన్‌ అనే వ్యక్తి ఈ చిత్రం ఆన్‌లైన్‌ టిక్కెట్స్‌ బుకింగ్‌ వెబ్‌సైట్లు ప్రభుత్వం నిర్దేశించిన టిక్కెట్టు మొత్తాల కంటే ఎక్కువ రేటుకు అమ్ముతున్నారని, కాబట్టి ఈ విషయంపై న్యాయం కోరుతూ ఈ పిటిషన్‌ వేశాడు. దీంతో చెన్నై హైకోర్టు ఈ విషయంపై ఈ చిత్ర నిర్మాతలు, ఇతరులు డిసెంబర్‌ 21లోగా తమకు వివరణ ఇవ్వాలని ఆదేశాలు జారీ చేసింది.
Loading..