ఈ ఇద్దరి జోడి బావుంటుందంట..!

రామ్ చరణ్ తాజాగా నటించిన 'ధృవ' చిత్రం డిసెంబర్ 9 న విడుదలకు సిద్ధమైంది. ఇక 'ధృవ' చిత్రం విడుదల కాగానే రామ్ చరణ్ సుకుమార్ డైరెక్షన్ లో సినిమా చెయ్యడానికి సిద్ధంగా వున్నాడు. ఇక సుకుమార్- రామ్ చరణ్ కాంబినేషన్ లో తెరకెక్కే ఈ చిత్రం ప్రేమ కథా చిత్రంగా ఉండబోతుందట. ప్రేమ నేపధ్యం లో తెరకెక్కే ఈ చిత్రం లో రామ్ చరణ్ పక్కన ఏ హీరోయిన్ అయితే బావుంటుందో అని సుకుమార్ తెగ సెర్చ్ చేస్తున్నాడని టాక్. అయితే ఇప్పటికే రామ్ చరణ్ పక్కన రాశి ఖన్నా ఎంపికైందని వార్తలొచ్చాయి. అయితే ఈ చిత్రం పల్లెటూరి నేపధ్యం లో రూపొందే కథ గా 1980 వ దశకంలో జరిగినట్టు తెరకెక్కిస్తారు కాబట్టి రాశి చరణ్ పక్కన బాగోదని మరో హీరోయిన్ ని సెట్ చేశారని ప్రచారం జరుగుతుంది. ఆ హీరోయిన్ ఎవరో కాదు 'జనతా గ్యారేజ్' తర్వాత తెలుగులో ఏ సినిమాలు ఒప్పుకోకుండా ఖాళీగా ఉన్న సమంత అంట. సమంత, నాగ చైతన్యతో లవ్ లో ఉండి..... చైతూని పెళ్లి చేసుకోవాలని డిసైడ్ అయ్యింది. అందుకే ఆమె ఏ సినిమాలు ఒప్పుకోకుండా ఖాళీగా ఉందనే ప్రచారం మొదలైంది. కానీ సమంత ఆ వార్తలకు బ్రేక్ వేస్తూ తమిళం లో రెండు, మూడు సినిమాల్లో నటించడానికి సైన్ చేసింది. అలాగే ఇప్పుడు చరణ్ పక్కన టాలీవుడ్ లో నటించడానికి రెడీ అయ్యిందంటున్నారు. మరి మొదటిసారి రామ్ చరణ్ , సమంతతో జోడి కడుతున్నాడు.  రామ్ చరణ్ సరసన సమంత అంటే ఈ సినిమాకి మంచి క్రేజ్ ఏర్పడినట్టే. ఇక వీరి ఫెయిర్ బావుంటుందని సుకుమార్ కూడా ఫిక్స్ అయ్యాడని..... అందుకే సుకుమార్ సమంతని ఒప్పించాడని అంటున్నారు.