టాలీవుడ్ సూపర్ స్టార్ మహేష్ బాబు హీరోగా నటిస్తున్న చిత్రం షూటింగ్ హైదరాబాద్ పరిసర ప్రాంతాల్లో జరుగుతున్న విషయం తెలిసిందే. ఈ చిత్రానికి తమిళ క్రేజీ దర్శకుడు మురుగదాస్ దర్శకత్వం వహిస్తున్నాడు. మహేష్ బాబు, మురుగదాస్ కాంబినేషన్ లో వస్తున్న ఈ చిత్రంపై ప్రేక్షకుల్లో భారీ అంచనాలు ఉన్నాయి. తెలుగు, తమిళ భాషల్లో ఒకేసారి తెరకెక్కుతున్న ఈ చిత్రం టైటిల్ పై ఇంకా సందేహం కొనసాగుతూనే ఉంది. ఈ సినిమా టైటిల్స్ పై పలు రకాల పేర్లు అనుకుంటున్నా ఇప్పటివరకు ఒక్కటి కూడా ఖాయం చేసినట్లు లేదు. అందుకనే తాజాగా మహేష్ సినిమా టైటిల్ ‘ఏజెంట్ శివ’గా పరిశ్రమలో వినిపిస్తుంది.
ఈ టైటిల్ కంటే ముందు ‘ఎనిమి’, ‘వాస్కోడిగామా’, ‘అభిమన్యుడు’ వంటి రకరకాల పేర్లు వినిపించినా వాటిలో ఏ ఒక్కటి ఖాయం చేయనట్లుగా తెలుస్తుంది. ఈ సినిమా టైటిల్ పై తాజాగా మీడియాలో జోరు ప్రచారం నడుస్తుంది. ఎందుకంటే ఈ సినిమాకు టైటిల్ గా ‘ఏజెంట్ శివ’ అనే పేరును ఖాయం చేసినట్లు వార్తలు వెలువడుతున్నాయి. ముఖ్యంగా కోలీవుడ్ లో కూడా ప్రస్తుతం ఈ టైటిల్ పైనే ప్రచారం బాగా జరుగుతుంది. అప్పట్లో సూపర్ స్టార్ కృష్ణ ‘ఏజెంట్ గోపి’ అనే పేరుతో సినిమా చేసి మంచి విజయాన్ని దక్కించుకున్నాడు. ఆ దిశగా దర్శక నిర్మాతలు, హీరో మహేష్ తీవ్రంగా ఆలోచించి ఈ సినిమాకు ‘ఏజెంట్ శివ’ అనే టైటిల్ ను ఖాయం చేసేందుకు ఎక్కువ అవకాశాలు ఉన్నట్లు తెలుస్తుంది. కాగా రకుల్ ప్రీత్ సింగ్ హీరోయిన్ గా నటిస్తున్న ఈ సినిమా ఫస్ట్ లుక్ దీపావళి రోజు విడుదల చేయనున్నట్లు తెలుస్తుంది. ఆ లోపే టైటిల్ కూడా ఖాయం చేసేద్దామన్న ఆలోచనలో చిత్రబృందం ఉంది. మొత్తానికి ‘ఏజెంట్ శివ’ గా మహేష్ బాబు ఇక మెరవనన్నాడన్న మాట.
Loading..