మహేషే వెనకడుగు వేయక తప్పదు..! మహేషే వెనకడుగు వేయక తప్పదు..!

ప్రస్తుతం సౌతిండియన్‌ మోస్ట్‌ వాంటెండ్‌ డైరెక్టర్‌ మురుగదాస్‌ దర్శకత్వంలో మహేష్‌బాబు నటిస్తున్న చిత్రం షూటింగ్‌ శరవేగంగా జరుగుతోంది. కాగా పోస్ట్‌ప్రొడక్షన్‌ పనులు పూర్తి చేసుకుని ఈ చిత్రాన్ని 'పోకిరి' రిలీజ్‌ డేటయిన ఏప్రిల్‌ 28న విడుదల చేయాలని మహేష్‌తో పాటు ఈ చిత్రం యూనిట్‌ భావిస్తోంది. కాగా ఇప్పటికే ఈ డేట్‌ను రాజమౌళి తన 'బాహుబలి- దికన్‌క్లూజన్‌'కు ఫిక్స్‌ చేశాడు. దీంతో మహేష్‌ సెంటిమెంట్‌ను తప్పనిసరి పరిస్దితుల్లో పక్కన పెట్టాడనే వార్తలు జోరందుకున్నాయి. కనీసం ఈ రెండు చిత్రాలకు రెండు వారాల గ్యాప్‌ తప్పనిసరి అని అందరూ భావిస్తున్నారు. సో.. రేసులో నుండి మహేష్‌ వెనకడుగేయడం ఖాయంగా కనిపిస్తోంది. దీంతో మహేష్‌ అండ్‌ టీమ్‌ మరో తేదీని వెతుక్కోవడంలో బిజీగా ఉన్నారట...!