సుమంత్ హీరోగా రూపొందుతున్న కొత్త చిత్రం నరుడా డోనరుడా. ఈ చిత్రానికి చెందిన ఫస్ట్ లుక్ ను అక్కినేని నాగార్జున విడుదల చేశాడు. అప్పట్లో భైరవ ద్వీరం చిత్రంలో నరుడా ఓ నరుడా ఏమి కోరికా అంటూ రంభ పాడుతుంటే బాలకృష్ణ ఆడుతూ ఉండేవాడు. ఇప్పుడు సుమంత్ హీరోగా చేస్తున్న ఈ సినిమా పేరు వినగానే ఆ పాట గుర్తుకు రాక మానదు. కానీ ఈ సినిమా పేరే కాస్త డిఫరెంట్ గా నరుడా డోనరుడా అని పెట్టారు. పేరును బట్టే కథా రహస్యం ఏంటో అర్ధమౌతుంది.
కాగా హిందీలో సూపర్ హిట్ అయిన సినిమా విక్కీ డోనర్. ఈ చిత్రాన్ని సుమంత్ హీరోగా రీమేక్ చేస్తున్నాడు. అయితే సుమంత్ కెరీర్ ప్రారంభంలో కొన్ని హిట్ సినిమాలు తీసినా ఆ తర్వాత సరైన సినిమాలు పడలేదు. 2014లో చేసిన ఏమో గుర్రం ఎగరా వచ్చు చిత్రం తర్వాత సుమంత్ మాయమయ్యాడు. దాదాపు రెండు సంవత్సరాలు గట్టి హిట్ కోసం ప్రయత్నిస్తూ రీమేక్ ల కాలం నడుస్తుండటంతో రీమేక్ పై ఆయన హిట్ కోసం దృష్టి పెట్టాడు. మల్లిక్ రామ్ అనే కొత్త దర్శకుడితో ఈ చిత్రాన్ని చాన్నాళ్ళ నుండి తీస్తూ ఇప్పుడే ఫస్ట్ లుక్ పోస్టర్ ను విడుదల చేశారు. సినిమా పోస్టర్ మీదనే ఐ యామ్ స్పెర్మ్ డోనర్ అని చూపించి మరీ సినిమా అంశాన్ని తేటతెల్లపరిచాడు. సుమంత్ సరసన పల్లవి సుభాష్ హీరోయిన్ గా నటించిన ఈ చిత్రంలో తనికెళ్ళ భరణి ఓ కీలక పాత్ర చేసినట్లు తెలుస్తుంది. ఎన్నాళ్ళ నుండో ఓ మంచి హిట్ కోసం తీవ్రంగా వేచి వేచి చూస్తున్న సుమంత్ కు ఈ సారైనా హిట్ట దక్కుతుందేమో చూడాలి.
Loading..