కొడుకుని నిలబెట్టేందుకు.. పవన్ చెంతకు..!

మాజీ ప్రదాని దేవగౌడ మనవడు, కర్ణాటక మాజీ సీఎం కుమారస్వామి తనయుడు అయిన నిఖిల్‌కుమార్‌గౌడ్‌ కన్నడ, తెలుగు భాషల్లో హీరోగా పరిచయం అవుతున్న చిత్రం 'జాగ్వార్‌'. కాగా ఈ చిత్రానికి రాజమౌళి శిష్యుడు మహదేవ్‌ దర్శకుడు, రాజమౌళి తండ్రి విజయేంద్రప్రసాద్ కథను అందిస్తున్నాడు. కాగా ఇప్పుడు ఈ చిత్ర ఆడియోను తెలుగులో ఏకంగా రెండు కోట్లు ఖర్చుపెట్టి రిలీజ్‌ చేయనున్నారు. 75కోట్ల బడ్జెట్‌తో హీరోగా తెరంగేట్రం చేస్తోన్న నిఖిల్‌కుమార్‌గౌడ్‌కు పవన్‌ అండ ఉంటే నెగ్గుకురాగలడని, ఈ వేడుకకు చీఫ్‌ గెస్ట్‌గా పవన్‌ను ఆహ్వానించనున్నారు. పవన్‌ ఆడియో రిలీజ్‌ కార్యమ్రానికి వస్తే ఆ కిక్కే వేరని, అందులోనూ పవన్‌ చేతుల మీదుగా రిలీజ్‌ అయిన ఆడియోలు ఖచ్చితంగా సినిమా విజయాన్ని సాధిస్తాయనే సెంటిమెంట్‌ కూడా బలంగా ఉంది. అదే విధంగా పవన్‌ వస్తే ఆ వేడుక మీడియాలో హైలైట్ అవుతుందని కూడా నిర్మాత కుమారస్వామి ఆశిస్తున్నాడు. ఈ వేడుకకు పలు సినీ ప్రముఖులతో పాటు రాజకీయ ఉద్దండులు కూడా హాజరుకానున్నారని సమాచారం. అంతే కాకుండా పవన్‌ ఆడియోకు వస్తే పవన్‌ అభిమానులలో పాజిటివ్‌ బజ్‌ వస్తుందని, అది తెలుగులో ఈ కొత్త హీరోకు పెద్ద లాంచింగ్‌ అవుతుందని ఈ చిత్ర నిర్మాతతో పాటు యూనిట్‌ భావిస్తోంది. మరి ఈ విషయంలో కుమారస్వామి పాచిక పారుతుందా? లేదా? అనేది వెయిట్‌ చేయాల్సివుంది.