మా గర్వకారణం..మా మ‌ధుర‌స్మృతులు
పి.వి.సింధు, కోచ్ గోపీచంద్‌ల‌కు భార‌తీయులు గ‌ర్వ‌ప‌డే విజ‌యాన్ని సాధించినందుకు హృద‌య‌పూర్వ‌క అభినందనలు. త‌న ప్ర‌తిభ, ప‌ట్టుద‌ల, అకుంఠిత దీక్ష‌తో సింధు సాధించిన విజ‌యం భార‌తీయుల‌ను ఆనంద సాగ‌రంలో ముంచివేసింది. మ‌హిళా సాధికార‌త, యువ భార‌తానికి ప్ర‌పంచ స్థాయిలో సింధు ప్ర‌తినిధిగా నిలిచింది. ఈ అద్భుత విజ‌యం త‌ర్వాత రియో నుండి మ‌న హైద‌రాబాద్ న‌గ‌రానికి విచ్చేస్తున్న త‌న‌కు నా అభినందనలు. మాతో పాటు రాబోయే త‌రాల‌కు సింధు ఒక ఇన్‌స్పిరేష‌న్ గా నిలిచి నేటి స‌మాజంలో క్రీడ‌ల‌ను, క్రీడాకారుల‌ను ప్రోత్సాహించేలా చేసింది. నాయ‌కులు దేశాన్నిన‌డిపిస్తారు. స్టార్స్ ఎంట‌ర్ టైన్ చేస్తారు. సింధు, స‌చిన్‌, సైనాలు జాతి మ‌త బేదాలు లేకుండా దేశ ప్ర‌జ‌ల‌ను మ‌మేకం చేస్తారు.
వ్య‌క్తిగ‌తంగా బ్యాడ్మింట‌న్ టీం య‌జ‌మాని కావడం వ‌ల్ల ఈ క్రీడ‌తో అనుబంధం ఉంది. ఈ యువ బ్యాడ్మింట‌న్ ఆట‌గాళ్ళ‌తో క‌లిసి ప్ర‌యాణం చేయ‌డం, వాళ్ళ ప్యాష‌న్స్‌ను ద‌గ్గ‌ర నుండి చూడ‌టం అనేది ఒక అద్భుత‌మైన ఘ‌ట్టం. ఒక గ‌ల్లి క్రీడాకారుడైనా, ఓలిపింయ‌న్ అయినా క్రీడాకారుల‌కు త‌మ వంతు ప్రోత్సాహం అందించాల‌ని ఈ సంద‌ర్భంగా అంద‌రినీ కోరుకుంటున్నాను. మనంద‌రి ప్రార్థ‌న‌లు, విషెష్ వాళ్ళ‌కెంతో ప్రోత్సాహనిచ్చి విజ‌యానికి దోహ‌ద‌ప‌డ‌ట‌మే కాక వారి విజ‌యాలు దేశ ప్ర‌జ‌ల‌కు స్ఫూర్తిదాయ‌కంగా నిలుస్తాయి.
దేశం త‌లెత్తుకుని గ‌ర్వ‌ప‌డేలా చేసిన సింధు, గోపిల‌కు నా ధ‌న్య‌వాదాలు. మీలాంటి వాళ్ళ‌తో ప‌రిచ‌యం ఉండ‌టం మాకెంతో గర్వకారణం.. -పివిపి
Loading..