నాగ్‌ కెరీర్‌లో ఇది రెండోసారి...! నాగ్‌ కెరీర్‌లో ఇది రెండోసారి...!

23వ తేదీన సర్‌ప్రైజ్‌ న్యూస్‌ చెబుతానన్న అక్కినేని నాగార్జున ఇచ్చిన సర్‌ప్రైజ్‌ ఏమిటో తెలిసిపోయింది. ప్రస్తుతం నాగార్జున హీరో శ్రీకాంత్‌ తనయుడు రోషన్‌ను హీరోగా పరిచయం చేస్తూ 'నిర్మలా కాన్వెంట్‌' అనే చిత్రాన్ని నిర్మిస్తున్న సంగతి తెలిసిందే. ఈ చిత్రంలో నాగార్జున ఓ కీలక పాత్రను కూడా పోషిస్తున్న సంగతి తెలిసిందే. అయితే ఈచిత్రంలో నాగార్జున చాలా కాలం తర్వాత మరలా తన గొంతును సవరించుకొని ఓ పాటను స్వయంగా పాడాడు. ఈ చిత్రానికి సంగీత దర్శకుడు కోటి తనయుడు రోషన్‌ సాలూరి సంగీతం అందిస్తున్నాడు. ఈ పాటను నాగార్జున ఎ.ఆర్‌.రెహ్మాన్‌ తనయుడు అమీన్‌తో కలసి పాడాడు. గతంలో నాగ్‌ తాను నటించిన 'సీతారామరాజు' చిత్రంలో సిగరెట్టు మీద ఓ పాట పాడి అందరినీ అలరించాడు. మరలా ఇంతకాలం తర్వాత ఆయన తన గొంతు సవరించుకున్నాడు.