చిరు 150 లో నిజంగా విజయశాంతి ఉందా? చిరు 150 లో నిజంగా విజయశాంతి ఉందా?

చాలా రోజుల తర్వాత 150 వ సినిమా కత్తిలాంటోడుతో చిరు రీ ఎంట్రీ ఇస్తున్న విషయం తెలిసిందే. ఈ సినిమాని చరణ్ తన హోం బ్యానర్ కొణిదెల ప్రొడెక్షన్స్ లో నిర్మిస్తున్నాడు. అయితే ఈ సినిమా షూటింగ్ మొదలైనా కూడా ఇంకా హీరోయిన్ ఫైనల్ అవ్వలేదు. మొదట అనుష్క అనుకున్న తర్వాత ఆ లిస్టులోకి బాలీవుడ్ హీరోయిన్స్ వచ్చి చేరారు. అయినా ఇంకా చిత్ర యూనిట్ ఏ డెసిషన్ తీసుకోలేదు. తాజాగా ఈ సినిమాకి సంబంధించి మరో వార్త బయటికొచ్చింది. గతంలో చిరంజీవి తో కలిసి ఎన్నో సూపర్ హిట్ సినిమాలలో నటించిన విజయ శాంతి 'కత్తిలాంటోడు' సినిమాలో నటిస్తుందని సమాచారం. మరి విజయశాంతి పాలిటిక్స్ లోకి వచ్చాక పూర్తిగా సినిమాలకు దూరమయ్యారు. మరి ఈ సినిమాలో కనుక ఆవిడ నటిస్తే కత్తిలాంటోడుతో ఆమె రీ ఎంట్రీ ఇచ్చినట్టే. అయితే కత్తిలాంటోడు సినిమాలో ఏ పాత్ర కు ఆమెని అడిగారు... మరి దానికి విజయశాంతి ఒప్పుకుందా అనేది తెలియాల్సి ఉంది. వి.వి.వినాయక్ కూడా ఆమె చిరంజీవితో కలిసి నటిస్తే బావుంటుందని అనుకుంటున్నాడట. మరి నిజంగా విజయశాంతి ఈ మూవీ లో నటిస్తుందా! లేక నటించడానికి రెడీ అని విజయశాంతి అన్న మాటను ఇలా పుట్టించేశారా! ఏదిఏమైనా దీనికి సంబంధించి అధికారిక ప్రకటన వస్తే గానీ..అసలు విషయం తెలియదు.