మెగా హీరోకు హిట్టిస్తాడా...? మెగా హీరోకు హిట్టిస్తాడా...?

వరస సక్సెస్‌లో దూసుకుపోతున్న మెగా మేనల్లుడు సాయిధరమ్‌తేజ్‌ వరస చిత్రాలను ఒప్పుకొంటున్నాడు. ఇప్పటికే ఆయన సునీల్‌రెడ్డి దర్శకత్వంలో 'తిక్క' అనే చిత్రం చేస్తున్నాడు. ఈ చిత్రం తర్వాత ఆయన గోపీచంద్‌ మలినేని, మారుతి చిత్రాలకు ఓకే చెప్పాడు. అయితే తాజాగా ఈ హీరో మరో చిత్రానికి కూడా గ్రీన్‌సిగ్నల్‌ ఇచ్చేశాడు. మెగాఫ్యామిలీకి ఆప్తుడైన రచయిత కమ్‌ డైరెక్టర్‌ బి.వి.ఎస్‌.రవి దర్శకత్వంలో ఓ చిత్రం చేయడానికి సాయి ఓకే చెప్పాడు. ఈ చిత్ర కథను కూడా విన్న సాయి ఈ చిత్రానికి గ్రీన్‌సిగ్నల్‌ ఇచ్చేశాడు. ఈచిత్రాన్ని దర్శకుడు హరీష్‌శంకర్‌ నిర్మించనున్నట్లు సమాచారం. అలాగే ఈ చిత్రానికి 'సోల్జర్‌' అనే టైటిల్‌ను కూడా ఖరారు చేశారు. 'వాంటెడ్‌' చిత్రంతో దర్శకునిగా మారి, మొదటి సినిమాతోనే భారీ ఫ్లాప్‌ను అందుకున్న బి.వి.ఎస్‌ రవి మెగా మేనల్లుడుకు హిట్‌ ఇస్తాడో లేదో వేచిచూడాల్సివుంది.