పవన్ కు నో చెప్పిందట! పవన్ కు నో చెప్పిందట!

పవర్ స్టార్ పవన్ కళ్యాణ్ సినిమాలో హీరోయిన్ గా నటించడానికి ప్రతి ఒక్కరు ఆసక్తి చూపుతారు. అలాంటి అవకాశం వచ్చిందంటే చాలు.. వెంటనే ఒప్పేసుకుంటారు. కానీ ఓ హీరోయిన్ పవన్ కి నో చెప్పి అందరినీ ఆశ్చర్యానికి గురి చేసింది. 'నేను.. శైలజ' సినిమాతో టాలీవుడ్ ఎంట్రీ ఇచ్చి మొదటి సినిమాతోనే హిట్ కొట్టింది మళయాళ భామ కీర్తి సురేష్. ఈ సినిమా తరువాత అమ్మడుకి తెలుగులో మంచి మంచి అవకాశాలే తలుపుతట్టాయి. ఎందుకో గానీ కీర్తి.. వచ్చిన ప్రతి అవకాశాన్ని వదులుకుంది. ఎస్.జె.సూర్య, పవన్ కళ్యాణ్ కాంబినేషన్ లో వస్తోన్న చిత్రంలో హీరోయిన్ గా మొదట పార్వతి మీనన్ ను తీసుకోవాలని అనుకున్నారు. ఆ తరువాత కీర్తి సురేష్ అయితే బావుంటుందని తనను సంప్రదించగా.. నటించడం కుదరదని చెప్పేసింది. కీర్తి సురేష్ కు తమిళంలో మంచి క్రేజ్ ఏర్పడింది. ఈ తరుణంలో ఇలయదళపతి విజయ్ సరసన హీరోయిన్ గా నటించే ఛాన్స్ వచ్చింది. ఇదే సమయంలో పవన్ సినిమాకు కూడా పిలుపు రావడంతో ఏం చేయాలో తోచని స్థితిలో పవన్ సినిమాను వదులుకుందని చెబుతున్నారు. ఈ మలయాళ ముద్దుగుమ్మ తమిళంలో బిజీ అయిపోవడం వలన తెలుగులో క్రేజీ ఆఫర్స్ మిస్ అవుతుంది.