'అ ఆ' లో చైతు సందడి! 'అ ఆ' లో చైతు సందడి!

నితిన్, సమంత జంటగా త్రివిక్రమ్ శ్రీనివాస్ దర్శకత్వంలో రూపొందుతోన్న చిత్రం 'అ ఆ'. ఈ చిత్రం అన్ని కార్యక్రమాలు పూర్తి చేసుకొని ప్రపంచవ్యాప్తంగా జూన్ 2 న విడుదల కాబోతుంది. అయితే 'అ ఆ' సినిమా థియేటర్స్ లో నాగ చైతన్య సందడి చేయబోతున్నాడని సమాచారం. ఈ వార్త విని 'అ ఆ' సినిమాలో చైతు నటించాడని అనుకుంటున్నారా..? అలా అనుకుంటే పొరపాటే. నిజానికి నాగ చైతన్య హీరోగా గౌతంమీనన్ దర్శకత్వంలో తెరకెక్కుతోన్న చిత్రం 'సాహసం శ్వాసగా సాగిపో'. ఈ సినిమా సెట్స్ మీదకు వెళ్లి చాలా నెలలవుతున్నా.. ఇంకా రిలీజ్ కు మాత్రం రెడీ అవ్వట్లేదు. ఎట్టకేలకు గౌతంమీనన్ ఈ చిత్రాన్ని ప్రేక్షకులకు అందించడానికి సన్నాహాలు చేస్తున్నాడు. ఇందులో భాగంగా ముందుగా ఈ సినిమా థియేట్రికల్ ట్రైలర్ ను ఈరోజు సాయంత్రం చైతు తన సోషల్ ప్లాట్ ఫాం లో రిలీజ్ చేయబోతున్నాడు. ఈ ట్రైలర్ ను రేపు రిలీజ్ కాబోతున్న 'అ ఆ' సినిమా థియేటర్స్ లో ప్రదర్శించబోతున్నారు. అలా 'అ ఆ' సినిమాలో చైతు సందడి చేయడానికి రెడీ అవుతున్నాడన్న మాట!