లీకయ్యిందా లేదా, ఏది సరైనది? లీకయ్యిందా లేదా, ఏది సరైనది?

అల్లు అర్జున్ సరైనోడు చిత్రానికి కావాల్సినంత పబ్లిసిటీ ఇప్పటికే వచ్చేసింది. ట్రైలర్ రిలీజ్ తరువాతైతే సినిమా మీద అంచనాలు బాగా ఎక్కువయిపోయాయి. అటువంటి తరుణంలో సరైనోడు చిత్రంలోని పాట లీకయ్యిందని, ఆ పాటను ఎక్కడైనా ఎవరైనా వినియోగిస్తే చట్టరీత్యా తీవ్రమైన చర్యలు తీసుకుంటామని నిర్మాతల నుండి నిన్న ప్రెస్ నోట్ వచ్చిన సంగతి తెలిసిందే. కానీ అంతకన్నా ఆశ్చర్యకరమైన సంగతి ఏమిటంటే ఆ లీకయిన పాట అంతర్జాలం మొత్తం వెతికినా ఎక్కడా కనబడటం లేదంట. కొందరైతే కేవలం పబ్లిసిటీ కోసమే ఇలా ఓ గేమ్ ఆడుతున్నారని కూడా నీలాపనిందలు మోసేస్తున్నారు. మరి దీనికి సరైనోడు ప్రమోషన్ టీం ఎలా స్పందిస్తుందో తెలీదు గానీ, ప్రస్తుతానికి అయితే జనాలు లీకయింది అన్న భ్రమలోనే ఉన్నారు. నిజంగా లీకయి ఉంటె ఈ పాటికి ఎక్కడో ఓ మూలన దాని ఆనవాలు అయినా దొరకాలి కదా అన్నది మరో వాదన. చూడబోతే ఇది ప్రచారంలో ఓ స్టంట్ అయినా బాగానే పేలింది. ముందుగా సరైనోడు పాటల పండగ వరకు ఆగితే మిగతా విషయాలన్నీ అక్కడే, అప్పుడే మాట్లాడుకోవచ్చు. రిలీజ్ డేట్ అయితే ఏప్రిల్ 22కి లాక్ చేసారు.