నాని హీరోయిన్‌కు మంచి అవకాశాలు! నాని హీరోయిన్‌కు మంచి అవకాశాలు!

నాని హీరోగా నటించిన తాజా చిత్రం 'కృష్ణగాడి వీరప్రేమగాథ' చిత్రంతో తెలుగు ప్రేక్షకులకు పరిచయమైన హీరోయిన్‌ మెహ్రీన్‌ కౌర్‌. ఈ చిత్రంలో ఆమె మహాలక్ష్మీ క్యారెక్టర్‌లో తన నటనతో, అందంతో అందరినీ అలరించింది. ఈ చిత్రం మంచి విజయం సాధించడంతో ఆమెకు టాలీవుడ్‌లో మంచి అవకాశాలు వస్తున్నాయి. ప్రస్తుతం ఆమె తెలుగులో రెండు చిత్రాల్లో నటిస్తోంది. కళ్యాణ్‌రామ్‌ హీరోగా పూరీజగన్నాథ్‌ దర్శకత్వంలో ఓ చిత్రం ప్రారంభం కానున్న సంగతి తెలిసిందే. ఇందులో ఆమె హీరోయిన్‌గా నటిస్తోంది. ఇక రచయిత బి.వి.యస్‌.రవి అలియాస్‌ మచ్చ రవి మెగా హీరో సాయిధరమ్‌తేజ్‌ హీరోగా చేయనున్న చిత్రంలో కూడా ఈమెకు అవకాశం లభించిందని సమాచారం. కాగా తాజాగా ఈ భామకు ఓ బాలీవుడ్‌ సినిమాలో చాన్స్‌ వచ్చిందని తెలుస్తోంది. హీరోయిన్‌ అనుష్కశర్మ నిర్మాణసంస్థలో నిర్మిస్తున్న ఓ చిత్రంలో హీరోయిన్‌ పాత్రకు ఎందరినో అనుకున్నారు. ఎట్టకేలకు మెహ్రీన్‌కౌర్‌కు ఈ చిత్రంలో హీరోయిన్‌ అవకాశం వచ్చిందని సమాచారం. ఆమె తెలుగు కంటే ముందు పంజాబీ సినిమాల్లో నటించింది. ఆ చిత్రాలను చూసిన దర్శకనిర్మాతలు ఈ చిత్రంలో ఆమెకు అవకాశం ఇవ్వాలని డిసైడ్‌ అయ్యారు.