అఖిల్ నిజంగా అదృష్టవంతుడే! అఖిల్ నిజంగా అదృష్టవంతుడే!

అఖిల్ చిత్ర ఘోర పరాజయం తరువాత అక్కినేని సిసింద్రీ అఖిల్ నిజంగా ఆలోచనలో పడ్డాడు. మొదటి సినిమాతోనే సూపర్ స్టార్ డం కొట్టేయాలన్న ఆలోచన డాం అనడంతో రెండో సినిమా కోసం ఆచితూచి అడుగులు వేయనున్నాడు. ఏ జవాని హై దీవాని అన్న హిందీ చిత్రం తెలుగు రీమేక్ అన్న వార్త అప్పట్లో చక్కర్లు కొట్టినా అదీ ఇంకా ఓ కొలిక్కి రాలేదు. ఇంతలో నైజాం పంపిణీదారులు అభిషేక్ పిక్చర్స్ వారు తీసుకున్న చొరవతో అఖిల్, సుకుమార్ చిత్రం ఒకటి పట్టాలెక్కే ముందస్తు సూచనలు కనపడుతున్నాయి. సుకుమార్ ఆఖరి చిత్రం నాన్నకు ప్రేమతో విజయం సాధించడం, ఆ విజయంలో నైజాం హక్కులను సొంతం చేసుకున్న అభిషేక్ నామా పాత్ర గణనీయంగా ఉండడంతో ఇప్పుడు వీరిద్దరూ ఓ జట్టుగా చేరబోతున్నారు. ఈ మధ్యలో సుకుమార్ ఒప్పుకున్న సంగీత దర్శకుడు దేవి శ్రీ ప్రసాద్ హీరోగా ఆరంగేట్ర చిత్రంతో పాటు దర్శకుడు అనే మరో ప్రాజెక్టు కూడా లైన్లో ఉన్నాయి. మరి వీటన్నింటినీ కాదని సుక్కు గనక అభిషేక్ నామాకు ఈ సినిమా సంతకం చేస్తే అఖిల్ నిజంగా అదృష్టవంతుడే. ఎందుకంటే అల్లు అర్జున్ సెకండ్ మూవీ ఆర్య కూడా సుకుమార్ తీసిందే. ఆ చిత్రంతో బన్నీ తలరాతే మారిపోయింది. ఈసారి అఖిల్ కూడా అంతే లక్కీ కావొచ్చు!