రాజమౌళి తండ్రికి అవార్డు..! రాజమౌళి తండ్రికి అవార్డు..!

స్టార్‌ రచయిత, రాజమౌళి తండ్రి విజయేంద్రప్రసాద్‌ ఫిల్మ్‌ఫేర్‌ అవార్డ్‌ను దక్కించుకున్నాడు. హిందీలో ఉత్తమకథా రచయితగా ఆయనకు ఫిల్మ్‌ఫేర్‌ అవార్డు దక్కింది. సల్మాన్‌ఖాన్‌ హీరోగా నటించిన 'భజరంగీ భాయిజాన్‌' సినిమాకి విజయేంద్రప్రసాద్‌ కథను అందించిన సంగతి తెలిసిందే. ఈ సినిమా సంచలన విజయాన్ని సాధించిన సంగతి తెలిసిందే. 300కోట్లకు పైగా కలెక్షన్లు కొల్లగొట్టింది. ఇప్పుడీ సినిమాకు కథను అందించిన విజయేంద్రప్రసాద్‌కు అవార్డును తెచ్చిపెట్టింది. ఉత్తమ రచయిత విభాగంలో ఆయన ఈ అవార్డు సాధించాడు. దీంతో ఇప్పుడు చాలామంది బాలీవుడ్‌ దర్శకనిర్మాతలు తమ చిత్రాలకు కథలను అందించమని విజయేంద్రప్రసాద్‌ వద్ద క్యూ కడుతున్నారు. మొత్తానికి మన తెలుగు రచయితకు జాతీయ స్థాయిలో ఇంత పేరు రావడం అందరూ గర్వించదగ్గ విషయమనే చెప్పాలి.