పవన్ టీవీ షో చేస్తున్నాడా..?

ప్రస్తుతం పవన్ కళ్యాణ్ కు ఉన్న క్రేజ్ గురించి ప్రత్యేకంగా చెప్పనక్కర్లేదు. తను ఏం చేసినా.. అది సంచలనమే..! ఆ క్రేజ్ ను ఉపయోగించుకోవాలని ఓ టీవీ ఛాన‌ల్ ప్రయత్నిస్తోంది. ప‌వ‌న్‌తో స్పెష‌ల్ గా ఓ ప్రోగ్రాం చేయడానికి ప్లాన్ చేస్తోంది. బాలీవుడ్ లో అమీర్ ఖాన్ నిర్వహించిన స‌త్య‌మేవ జ‌య‌తే కార్య‌క్ర‌మం మాదిరి తెలుగులో కూడా అలాంటి కార్యక్రమం చేపట్టాలని సదరు ఛానల్ ఆలోచనలో ఉందట. ఈ కార్యక్రమానికి లీడ్ గా పవన్ కళ్యాణ్ అయితే న్యాయం చేయగలడని ఆయనను సంప్రదించడానికి ప్రయత్నిస్తోంది. స‌మాజంలోని స‌మ‌స్య‌ల్ని, అవినీతి గురించి చర్చించేలా ఆ కార్యక్రమం ఉంటుందట. ప‌వ‌న్‌కి ఇలాంటి అంశాలపై చాలా ఆసక్తి ఉంది. కాబట్టి పవన్ కళ్యాణ్ తో షో నిర్వహిస్తే తిరుగులేదని భావిస్తున్నారు. పవన్ గనుక ఈ ప్రోగ్రాం చేయడానికి ఓకే చెప్తే బుల్లితెరపై ఓ సంచలనమే..!