బంగార్రాజును పంపింది యమ నాగబాబు! బంగార్రాజును పంపింది యమ నాగబాబు!

నాగార్జున చేస్తున్న సోగ్గాడే చిన్ని నాయన చిత్రం ఎట్టకేలకు ఈ నెల 6వ తేదీన సెన్సార్ బోర్డు ముందుకు వెళ్లనుంది. అంతే కాకుండా నాగ్ ప్రకారం 15వ తారీఖును రిలీజ్ డేటుగా కూడా లాక్ చేసేసారు. మొత్తం ప్రొడక్షన్, పోస్ట్ ప్రొడక్షన్ కార్యక్రమాలు పూర్తి చేసుకున్న ఈ సినిమాకు ఇక సెన్సార్ పనులు కూడా అయిపోయాయంటే విడుదలకు ఎటువంటి అడ్డంకులూ ఉండబోవు. ఈ విషయాన్ని స్పష్టం చేసిన నాగార్జున అదే ఊపులో సోగ్గాడే చిన్ని నాయనలో తాను చేస్తున్న బంగార్రాజు పాత్ర గురించి చెప్పే ఓ వీడియో బిట్టుని కూడా వదిలారు. బంగార్రాజు అనే పాత్ర ఓ చనిపోయిన ఆత్మ అన్న విషయం ఇంతకుమునుపే చెప్పారు. కానీ యమలోకంలో జరిగే సంభాషణ ఇక్కడ ముఖ్యం. యముడి పాత్రలో నాగబాబు కనిపించబోతున్నారు. లక్షల ఏళ్ళ తరువాత ఓ ఆత్మను భూలోకం మీదకు పంపడంలో ఏదో లోక కళ్యాణం దాగి ఉన్నదన్న అర్థం వచ్చేలా ఈ వీడియో బిట్టు ఉంది. కథపరంగా బంగార్రాజు ఆత్మ కేవలం హీరోయిన్ రమ్యకృష్ణకు మాత్రమే కనపడుతుంది కాబట్టి కామెడీ అంతా అక్కడే కేంద్రీకృతం అయి ఉంటుంది. సోగ్గాడి ఆత్మ చేసే గమ్మత్తులు ఏంటో తెలియాలంటే 15 వరకు వెయిట్ చేయండి.