పొంగల్‌కి బన్నీ గిఫ్ట్‌..! పొంగల్‌కి బన్నీ గిఫ్ట్‌..!

అల్లుఅర్జున్‌ హీరోగా బోయపాటిశ్రీను దర్శకత్వంలో 'సరైనోడు'(వర్కింగ్‌ టైటిల్‌) అనే చిత్రం రూపొందుతున్న సంగతి తెలిసిందే. రెగ్యులర్‌ షూటింగ్‌ జరుపుకుంటున్న ఈ చిత్రంలో అల్లుఅర్జున్‌ పవర్‌ఫుల్‌ పోలీస్‌ అధికారిగా కనిపించనున్నాడు. పవర్‌ఫుల్‌ రొమాంటిక్‌ యాక్షన్‌ ఎంటర్‌టైనర్‌గా రూపొందుతున్న ఈ చిత్రంలో అల్లుఅర్జున్‌ పాత్ర చిత్రణ భిన్నకోణాల్లో సాగుతుందని సమాచారం. ఈ చిత్రంపై అభిమానుల్లో భారీ అంచనాలు ఉన్నాయి. ఈ చిత్రం టైటిల్‌ను కన్‌ఫర్మ్‌ చేసి సంక్రాంతి కానుకగా ఫస్ట్‌లుక్‌ విడుదల చేస్తారని తెలుస్తోంది. ఇలా చేస్తే ఫ్యాన్స్‌కు పండగ ట్రీట్‌ ఇచ్చినట్లు ఉంటుందని భావిస్తున్నారు. కాగా గీతాఆర్ట్స్‌ బేనర్‌లో అల్లుఅరవింద్‌ నిర్మిస్తున్న చిత్రానికి తమన్‌ సంగీతం అందిస్తున్నాడు. అల్లుఅర్జున్‌ జన్మదినోత్సవ కానుకగా ఈ చిత్రాన్ని ఏప్రిల్‌8వ తేదీన భారీ స్థాయిలో విడుదల చేయడానికి సన్నాహాలు జరుగుతున్నాయి. రకుల్‌ప్రీత్‌సింగ్‌, కేథరిన్‌లు హీరోయిన్లుగా నటిస్తోన్న ఈ చిత్రంలో శ్రీకాంత్‌, ఆది పినిశెట్టి కీలకపాత్రల్లో నటిస్తున్నారు.