చిరంజీవి తర్వాత ప్రభాసే!

యంగ్‌ రెబెల్‌స్టార్‌ ప్రభాస్‌ కొత్త లగ్జరీ కారు కొన్నట్లు తెలుస్తోంది. ప్రపంచ ప్రఖ్యాత లగ్జరీ కార్లలో ఒకటైన రోల్స్‌రాయిస్‌ సిరీస్‌కి చెందిన ఫాంటమ్‌ కారును ప్రభాస్‌ కొనుగోలు చేసినట్లు తెలుస్తోంది. ఈ కారు ఖరీదు 8కోట్ల పైమాటే. ఈకారు ఇటీవలే ప్రభాస్‌కు డెలివరీ కూడా అయిందని సమాచారం. కొత్త కారు కొన్న సందర్భంగా ఆయన తన ఫ్రెండ్స్‌ అందరికీ తన ఫామ్‌హౌస్‌లో గ్రాండ్‌ పార్టీ ఇచ్చాడట. 'బాహుబలి' సినిమాకు ప్రభాస్‌ భారీగా రెమ్యూనరేషన్‌ అందుకున్నాడు. ఆ డబ్బుతోనే ఆయన ఈ కారు కొనుగోలు చేశాడట. టాలీవుడ్‌లో రోల్స్‌ రాయిస్‌ కారు ఇప్పటివరకు చిరంజీవి వద్ద మాత్రమే ఉంది. ఆ తర్వాత ఆ కారు కొనుగోలు చేసింది ప్రభాస్‌ మాత్రమే అని ఫిల్మ్‌నగర్‌ వర్గాలు అంటున్నాయి.