ఫ్యాన్స్‌కు పవన్‌ న్యూఇయర్‌ కానుక..! ఫ్యాన్స్‌కు పవన్‌ న్యూఇయర్‌ కానుక..!

ప్రస్తుతం పవన్‌కళ్యాణ్‌ హీరోగా బాబి దర్శకత్వంలో శరత్‌మరార్‌ నిర్మిస్తున్న చిత్రం 'సర్దార్‌ గబ్బర్‌సింగ్‌' షూటింగ్‌ శరవేగంగా జరుగుతోంది. ఈ చిత్రంలో మెయిన్‌ హీరోయిన్‌గా కాజల్‌ అగర్వాల్‌ నటిస్తుండగా, రాయ్‌లక్ష్మీ కీలకమైన పాత్రతో పాటు ఓ ప్రత్యేక గీతంలో ఆడిపాడనుంది. బెంగుళూర్‌ బ్యూటీ సంజన కూడా ఈ చిత్రంలో తళుక్కున మెరవనుంది. ఈ చిత్రం ఫస్ట్‌లుక్‌ను పవన్‌కళ్యాణ్‌ బర్త్‌డే కానుకగా విడుదల చేసిన సంగతి తెలిసిందే. ఈ ఫస్ట్‌లుక్‌కు అద్భుతమైన రెస్పాన్స్‌ వచ్చిన సంగతి విదితమే. కాగా నూతన ఏడాది ప్రారంభం రోజున అంటే డిసెంబర్‌ 31 వ తేదీ అర్ధరాత్రి 12గంటలకు ఈ చిత్రం న్యూ టీజర్‌ను విడుదల చేసేందుకు సన్నాహాలు జరుగుతున్నాయి. మొత్తానికి కొత్త ఏడాదికి పవన్‌ 'సర్దార్‌' టీజర్‌ ద్వారా రావడం ఆయన అభిమానులకు ఎంతో ఆనందాన్ని కలిగిస్తోంది.