బన్నీ సినిమా స్టేటస్ ఇదే..! బన్నీ సినిమా స్టేటస్ ఇదే..!

తాజాగా అల్లుఅర్జున్‌ సినిమాకి ఇంటర్వెల్‌ సీన్స్‌ను తెరకెక్కించాడు దర్శకుడు బోయపాటి శ్రీను. ఈ చిత్రం షూటింగ్‌ ప్రస్తుతం హైదరాబాద్‌లో జరుగుతోంది. నగర శివార్లలో వేసిన ఓ భారీ సెట్‌లో అల్లుఅర్జున్‌, శ్రీకాంత్‌, రకుల్‌ప్రీత్‌సింగ్‌, కేథరిన్‌లతో పాటు 1000మంది జూనియర్‌ ఆర్టిస్టుల మద్య రామ్‌లక్ష్మణ్‌ నేతృత్వంలో ఇంట్రవెల్‌కు ముందు వచ్చే ఓ ఫైట్‌ సీక్వెన్స్‌ను తెరకెక్కించారు. ఈ కాంబినేషన్‌లో గీతాఆర్ట్స్‌ సంస్థ ఈ చిత్రాన్ని నిర్మిస్తోంది. ఈ చిత్రంలో యాక్షన్‌ సీన్స్ కు ఎక్కువ ప్రాదాన్యం ఉంటుందని, రామ్‌లక్ష్మణ్‌, రవివర్మలతో పాటు కీచ మాస్టర్‌ నేతృత్వంలో ఓ పోరాటాన్ని షూట్‌ చేయనున్నారు. తమన్‌ సంగీతం అందిస్తున్న ఈ చిత్రానికి 'సరైనోడు' అనే టైటిల్‌ను అనుకొంటున్నారు. ఈ చిత్రాన్ని అల్లుఅర్జున్‌ జన్మదినోత్సవం సందర్బంగా ఏప్రిల్‌ 8న చిత్రాన్ని విడుదల చేసేందుకు సన్నాహాలు జరుగుతున్నాయి. యాక్షన్‌తో కూడిన ప్రేమకథగా రూపొందుతున్న ఈచిత్రంలో శ్రీకాంత్‌తో పాటు ఆది పినిశెట్టి కీలకపాత్రలను పోషిస్తున్నారు.